جـديـــــدي//الحظوظ اللي تطرّى

[عبدالله الشولاني]

السلام عليكم ورحمة الله وبركاته,واتمنى ان ينال هذا النص على بعض اعجابكم



الحظوظ اللي تطرّى من يسار ومن يمين=وشبلاها اتصذّ عني يامحمد وشبلاها

ماجنيت الا هموم وضيق بال ودمع عين=لاهدت عني حداها بيّتت قلبي حداها

اذكر ان الليل وقتن للمآسي والونين=بس هذي ماعرفت لصبحها ولا مساها

يامحمد ماتتوب ولاتروف ولا تلين=ياعذابي لاتفشّت داخلي كنها اتباها

وانتي ياللي في غرامش حاذفن تسعة سنين=مارحمتي كبد خلّش والهجر يلعن ثواها

وسمنا اللي قد حفرته في دروب العاشقين=اكتبي تحته نصيحه مستفيد اللي خذاها

لو بهذا الحب خيرن ماترك قلبي حزين=جنّبو درب المحبه واستعيذو من بلاها

ماشقاني غير قولة باكرن تبغي تزين=والسنين اقفت وروحي ليت ربي قد هداها

خير منها ياجديد العشق بلّا حاجتين=الوصل في والدينك والصلاه ولا سواها

والرجل لاصار صيته جامعن دنيا ودين=مستريح البال واهل العشق تبكي من عناها