لا يسعني ان اضع مقدمه لقصيده تستحق اكثر من مقدمه (لو ما احترمتك للغرام احترامه)
لعل هذا الشطر مقدمه بحد ذاته
لا صرت بايعني اشوفك على خير=مع السلامه دام مابه سلامه
قلت انتهينا قلت لك خير ياطير= ماني بأول شخص يخسر غرامه
محذرك من قبلها ألف تحذير=لا عفتني بعيف قلبي هيامه
ماني بميت لا ولا احتاج تبرير=صح الله لسانك ووفر كلامه
بسمعك حبكه وفكره وتصوير=وافهم عدل يا مدعي بالفهامه
وجه الشعر ابيض ويحتاج تغير=ودي تزين هالقصيد علامه
ماضيك الاسود بذكره دون تقصير=كذا يكون بخده الشعر شامه
يصدق معي تعبير ويخون تعبير=ياضيعت الشاعر بوقت انسجامه
يمكن خطئ ادونك بالشعر مير=لو ما احترمتك للغرام احترامه
ماكان حبك غير بس طعنتك غير=علمتني معنى الندم والندامه
ماجاك مني اي زله وتقصير=كل ما خطيت اعاتبك بأبتسامه
حسبي على الذكرى اذا هبت عصير=ماعاد تنفع شرهتي والملامه
البال ضامي وقتها والحزن بير=خسرتك وهمي كسبت اهتمامه
والليل فازعلك كذا جاني مغير=ظلمتني واكثر ظلمني ظلامه
لا اقبل علي اوحيت صوت المساير=وفزيت كل ضيفٍ اقوم ابمقامه
و اليا عزم هالليل ضيقه وتفكير=قلي بربك كيف بقدر انامه
مافيه داعي للعتب والمعاذير=الغدر خال الجرح واطيب عمامه
اما يجيب الله مطر تالي وخير=ولا السلامه ماش مامن سلامه
العرض الشجري