(البارحة ناصر يقول اشتر الطيييييييييييييييير)

[الحــيـــران]

البارحه ناصر يقول اشتـر الطيـر=يومـنّ كلـن ناقـل ٍ معـه طـيـره
خلنا نقـزر باقـي العمـر تقزيـر=ونصبح ونمسي كـل يومـن بديـره
نركب على اللي مايحسب المشاوير=كان الدروب طوال تصبـح قصيـره
جيبن جديد ولاشخفتـه المعاصيـر=تـوه ولافكـو بـراغـي سبـيـره
ومعنا اشقـرن مانقلـوه السماسيـر=بين المـزاد وبيـن غيـره وغيـره
اليا تنهض ثـم طلـع كنـه الزيـر=ومخالبه مثـل السيـوف الشطيـره
لاعرضتله في السما ماهـي بخيـر=حــرام بالله ماتـحـول كسـيـره
واقوله ذا السـاع ابعطيـك تقريـر=وبعلـمـك بعلومـنـا والسـريـره
الطير دبله كبـد فـوق المخاسيـر=ولافيـه لاخيـر ولافيـه خـيـره
وراعيه دايـم يالرجـال المناعيـر=في حاله يرثـى لهـا سـب طيـره
وراعي الصقر مايعرف الا الصقاقير=لاشـك والله مـا عليهـم قصيـره
والمشكله يا اخيـك لاروح الطيـر=وتباشروا اهـل الوجيـه الشريـره
فلان راعي الطير الاشقـر الجيـر=هده على ذيك الحبـارى الصغيـره
واقفا وهملها وانا اشوف يـا اميـر=والكل منهـم قـام يعطـي بشيـره
وتصير علك بحلق كـل الصقاقيـر=وتـروح لاصيـده ولامـن ستيـره
يا اخيك خل الطير ومعابـل الطيـر=انتف جناح الطير واللعـن مشيـره
وابرى لـذودن كـل ابيهـا مغاتيـر=لامن طاح الوسم فـي كـل ديـره
تلقى الخزامـى والنفـل والنواويـر= في وسط روضن عشبتـه بعثريـره
وبنيـت بيتـن مدهلـن للمسايـيـر=من لابتـك ولا زحـول الجزيـره
وشبيت ضوك ثـم جبـت المباهيـر=والهرش عند الصبح تسمـع هديـره
يا ماحلـى دراج ذيـك المصاغيـر=في خايعن راعـي الغنـم مايسيـره
اليا ندبهن جـن مـن غيـر تأخيـر=والاولـه ماهـي سـوات الأخيـره
لاصوت الراعي تشـوش الاباكيـر=وعلى يمين الكـور ترثـع فطيـره
ومن بينهن شقحـاً تقـود المعاشيـر=لاشافهـا الشايـب تلخبـط مسيـره
في وصفهـا تحتـار كـل التفاكيـر=في وصفها فتنـه وعجبـه وغيـره
هذي طراة العمر ياراعـي الطيـر=اطلق صراح الطير واقطع جريـره





الحيران

[الجويّر]

الحيران صح لسانك على هالقصيده الجزله





لاكن انتبه على املائك قبل ماتحط الموضوع لان كانت عندك بعض الاملائات خاطئه وعدلناها





يعني حرام مثل هالقصيده الجزله تنعاب بسبة املاء فا الاملاء ملزوم





والله يعطيك العافيه يالحيران وبانتظار جديدك انشالله ونتمنا لك التوفيق






تحياتي / الجويّر

[الحــيـــران]

صح بدنك يالجوير واللة لا هينك

ولا خلا ولا عدم

وابشر يالجوير


تقبل تحياتي

[شاعرة زمانها]

صح بدنك قصيده جزله

وجميله بقمة الجمال

وتقبل احر تحيتى

[ابن راعي الفحمه]

الحيران



صح لسااانك ولاهنت قصيده رائعه من رائع



تقبلي تحيااااااااااااااااااااااااااااااااااات


ابن عسكر

[فيصل بن حجرف]

قصيده رائعه من شاعر رائع
صح لسانك يالحيران ولاهنت طال عمرك

[الحــيـــران]

مرحبا ياشاعرة زمانها

وصح بدنش

[الحــيـــران]

مرحبا يا راعي الفحما

ولا هنت على الاشادة الطيبة

وصح بدنك

[الحــيـــران]

مرحبابك يابن حجرف ولا هنت

[أحمد بن عكشان]

مرحباا يا الحيران ولاهنت على القصيده الرائعه وصح ألسانك ملايين

وتقبل مودتى واحترامى