|
محمد بن الذيب 000يوم ذبح اخوه واجلوه غصب من الديار
بسم الله الرحمن الرحيم
الشاعر محمد ابن راشد الذيب
وقصيده اتمنى انت تنال رضاكم واعجابكم
واكتمت ونة مريض ولا دعوة كسور
جرة المنكوس فالليل والا فالنهار
بس مامنها مصده ولافيني نفور
خاطي اعصير(ن) همومي ماتاسعه القفار
ماتحملت الخطا من طويلين الشبور
غير انا قد المسافات القصيره والطوال
والصقور اصقور وعيالها ماهي تبور
في رواية يخلفن الغصون ام الثمار
ومن تسلق فوق الاكتاف حب(ن)للظهور
ان ركض مثل البعير يعثر مثل الحوار
وياعيال البطن خفو على عيال الظهور
ولعت في كابل وقنبعت في قندهار
ياذعاذيع النسايم وتغريد الطيور
في نهار(ن)بسمته بارده والجو حار
ياطعم تمر الحساء يااجود انواع التمور
ياتوازن نفس الانسان بعد الانهيار
يادلع متعدي الحد يابدر البدور
ياهموم موضف(ن)له سنه وهو فرار
يابعد دوحة خفوقي واذا به خور خور
مشتهيك من الزباره الين ام الزبار
لو غرامك زهرة ثابته بين الزهور
فارقك فرق العرب للنبات من الخضار
انت كلك عشق وانا ذكر مثل الذكور
في خفوقي جنة مدهره والفين نار
وايش ابا لي جيتك من السفر قدلي شهور
وانت كنك تنتظرني في قاعة لانتظار
غير اضمك ضمة الموت لاصحاب القبور
واغدي لك هرجة الجد من بعد الهزار
ساع شفتك باول العمر والدنيا تدور
مافقدت السيطره بس ضيعت المسار
نفس وجهات النظر فالغياب وفالحضور
نختلف فالكيف لكن على نفس الاطار
يوم سيلت المدامع وضيقت اصدور
كبرت وصوف البلاهه على وجه الوقار
انت ضحكت كل ثغر وعلة كل زور
مابغيت اكرهك لكن ماعندي خيار
جيت ابشرح لك ضروفي واوضح لك لامور
بالتفاصيل الممله ومن دون اختصار
واكتشفت انه مابيني ولابينك جسور
رغم قربك لاستراتيجي وحسن الجوار
روح مدري وايش اسميك غير الحب ثور
كل ماومت له يدين الغرام الترف ثار
والا انادمعة شجاع على الشده صبور
يوم ذبح اخوه واجلوه غصب من الديار
كل مانعس واقبل النوم من عينه يثور
واعتزى والسان حاله ماغير الثار ثار
وابتلش في خبث الايام والدنيا تدور
نعسته اكبر مذله ونكبته انتحار
مثر(ن) فيني غرامك ولافيني قصور
مثل تاثير الصحافه على اصحاب القرار
لي متى وانا حبيب على بند الاجور
اكل من الكتف وانا عيوني للفقار
بعد ذي لاجيت واقفيت وش جاب الغرور
جيتي شرهه وقفايتي رد اعتبار
والتواضع حد لافراط في بعض الامور
يقذف بصاحبه لاعلى جبال الاحتقار
والسقوط فهاوية حبك يسد الثغور
عند نقاط التعجب وسخف الانبهار
واختلاط العالم الفقه في سلك الفجور
ودمعة العانس على الخد لافات القطار
ماهي باول شعور ولا باخر شعور
يعتريني يوم اقفي مذله وانكسار
التعديل الأخير تم بواسطة عيد بن شدقان ; 02-11-2005 الساعة 08:05 AM
|
01-11-2005, 09:33 PM
العرض العادي
