سجين قطر ((وبران اليامي)) ومرثيته في نفسه؟

[الاصيل اليامي]

قصيدة الشاعر المسجون من سجنه بقطر

((( وبران ال كليب اليامي)))

يامراديم السحايب على روس القلاع=علمي من هو فقدني بعلمي علميه

وانت ياهم كتبته بسطري لين شاع=هم وقت عند هاجس قصيدي باشتكيه

دك لليل الياس ياصاحبي لين الشعاع=ينطحك نوره يبشر بصبح مقتفيه

سر من فكري ذلول تسام ولا تباع=ماقناها كون شيخ تورثها من ابيه

سرها وفجوج ربي على الضايق وساع=الفجوج الي ماضاقت على غير السفيه

سرها للي تسأل عن امر الانقطاع=وقله اني سقت عقب البطا عذر وجيه

غبت لاكن مجبور واشتد النزاع=بين عقل يحتويني وقلب احتويه

عذري ان الوقت شيخ الى جوب يطاع=وان حكم حكمه بلا ليه يمشي يقول ليه

ليه مايمشي وحكمه غدى فرض مطاع=مثل فرض الثار لاخ غزى في ثار اخيه

ووقتنا الي غصب لاقال نحسن الاستماع=وان طلبنا العهد شفناه لاعهد ونزيه

بعد ماكنا نسومه شرى فينا وباع=وبعد ماهو يرتجينا غدينا نرتجيه

وقل انه مايضيق على صدر الشجاع=كون دبارة رفيقه وموتة والديه

وقل له اني باتوجد توجاد يذاع=الين يذكرني المغفل وينساني النبيه

ياوجودي وجد من ساق رجله للضياع=الين وصلت به على جال عد مايبيه

وياوجودي وجد من ضيعه وقته وضاع=بين حلم ماتحقق وحظ لك عليه

وياوجودي وجد من مد كفه للوداع=والوداع اقسى على النفس من سوم الوجيه

ودع ربوعه وقاعه وبدلها بقاع=قاع قوم مايبيها وهي ماهي تبيه

يرتكي للحمول كتفه بقدر المستطاع=ويتعجب من زمانه على ماصار فيه

عقب ماهو يبطح القوم ويعشي الجياع=والجمايل عندبابه تيشر من يجيه

صار يسأل ليه بالله يام الانقطاع=تجبرين الحر يصفق الي ضاقت بايديه

يسأل وغيره تسأل عن امر الانقطاع=والشقى يزعل عن صدور سمحين الوجيه

وهـــــــــــــــــــــذه القصيدة سبق وأن وضعتها في أحد المواضيع

وكـــــــــــــــــــــانت بعنوان

ربعي عصى موسى وباقي البشر فرعون

ردا" على سالم اليامي

هلا والله بقـاف لفانـي وانـا ممنـون =من اللي بدع قافه من اقصى السعوديـه

هلا بك ياسالم عد ما دار وسط الكـون= وعدد ماتهب الريـح شـرق وشماليـه

هلا بك عدد حجاج بيته قبـل يلفتـون =وعدد ماسـرت لفكـار بـي للجنوبيـه

هلا بك تفضل وسط قلب لفـاه مـزون= سحايب قصيدك داخلي شـف مراعيـه

هلا ياسالم حيل هون علـى المسجـون= وهلا بالجنوب وريحـه وحـي طاريـه

وعن جيتك ارجوك لا تعتـذر وتمـون=وانا عاذر وارجـوك لا تكثـر الجيـه

وفعلك عرفته قبل كـل المـلا يـدرون=وربعي هـل العـادات يـام الفداويـه

ربعي عصى موسى وباقي البشر فرعون=ودوم الفعـل ياشيـخ يشهـد لراعيـه

وياعزوتي يا خوي يامحزمي المضمون=الي صار شـي جـاك ياذيـب برقيـه

لكـن وصاتـي لـي عندكـم مزيـون=واخاف الحسد ذا اليوم تسكن باراضيـه

حبيب يشابه وجهـه اللولـو المكنـون=وفي اسمه من الريـم وصـف وماريـه

فكري معه والقلب عنده ولـه مرهـون=وحبه لعب في الحال ثـم شـل تاليـه

انا ابكي عليه وشرع كل البشر يبكـون=ولكن تـرى مافيـه حـي بكـى حيـه

على الغالي ابكي لين قالو غدا مجنـون=وانا صاحي ومـا قومـي الا طواريـه

وهذا راااابط الموضوع

السجين السعودي بقطر وبران آل كليب

http://www.alajman.net/vb/showthread...9&page=1&pp=15