مساء أو صباح ..........................................الخير ؟
الزبدة ؟؟؟
عندى سالفة تصلح لكم وحلوة ؟
وراح أسوقها باسلوبى المتواضع ؟
السالفة عنوانها .........................معشى الذيب .....................
قد يكون من بينكم من يعرفها ولكن حنا نبى اللى مايعرفها يعرفها فهى قصة فعلا جميلة ..
الزبدة ؟
كان هناك رجل عندة حلال وعندة كلب ( اجلكم الله )من الكلاب الوفيه والقويه ويقال ان الرجل شمرى لكن مو متاكد واللى عندة علم يقول لنا ..
الزبدة ؟
فى يوم من الايام بعد ما امسى الرجال وجا حول نص الليل جاك واحد من الذيابه ذابحة الجوع وشاف الغنم وطمع فى اكل وحدة منها يبى يسد جوعة المهم هجم على الغنم ويوم وصلها طلع له الكلب وصارت معركة انتهت بخسارة الذيب وتقهقرة وهروبه فوق واحد من الحزوم كل هذا وراعى الحلال يشاهدة بعد ماصحى على صوت المعركة .
الزبدة ؟
صعد الذيب على الحزم وهو متضايق وجوعان وطالع من معركة خاسرة وما عندة استعداد يخوض معركة خاسرة مرة ثانيه.....
قام يعوى عواء شديد كان المقصود من العواء طلب المساعدة من أخوانه الذيابة ( شفرة خاصة بين الذيابة وفعلا بدت الذيابه يستجيبون لنداءه وقاموا يجون واحد واحد لين اكتمل عندة مجموعه لا بأس بها.....
الزبدة ؟
تم تحديد ساعة الصفروهجموا كلهم على الغنم ( اشهد ان عنده ربع صاملين )وطلعلهم الصتيمه الكلب ودارت معركه حاميه الوطيس شل أخوك حط أبوك وغبرتهم وصاحب الحلال يتفرج ( اشهد انه واثق من كلبه) وبعد شوى ويتطشرون الذيابة وصاحبنا معهم وينهزمون ويرجعون للحزم وكأنى بهم كلواحد يقول للذيب دبر نفسك ولا عاد تنادينا لذا المشاكل وخلنا نروح نمسى ونعين خير ....
الزبدة ؟
انسحبوا الذيابه وخلوة بروحة وهو فى حالة يأس تام ولكن لاقالوا الذيب ذيب وكل هذا مثل ما قلت لكم وصاحب الحلال يتفرج .
المهم ان الذيب لما أيس قام يعوى عواء بس هالمرة ماهو عواء يطلب مساعدة من أحد المرة هذى كان صوت العواء فية ذله وخضوع وكأنه يقول لصاحب الحلال تكفى ذبحنى الجوع..
لما سمع صاحب الحلال طريقة عواء الذيب ضحك وقال أما ذلحين نعم يعنى بالقوة مافيه امل وبالطيب حاضرين وقام وذبح وحدة من الغنم وحذفها على الذيب ...
وسموه من عقبها معشى الذيب !!!!
اتمنى ان تكون أعجبتكم واتمنى ماتكون فيها بدليات كثيرة ؟
لكم تحياتى
04-12-2005, 10:29 PM
معشى الذيب ؟
العرض الشجري