اهـــــــــداء لجمهور ابن قضعان

@منسـ على ددسن ـــم@ · #1 25-12-2005, 10:24 AM

إهــــــــــــــــــــــــــــــــــــــــــــداء

الى زوار المنتدي عامه
الى جمهور ابو منصور خاصه

ضيدان بن منصور
ودرس من دروس المدرسه القضعانيه
استلموووووووواااااااااااا

قم يا ندوبي فوق جمس مصمم=بالكمبيوتر ما تجيبه وكاله
تصميم عام الفين للحين ماتم =لكن هذا عينه جاء لحاله
اهدوه لكلنتن وقام ايتبسم= قال ارسلوه لنور دار العداله
جوبه هديه للمليك المعظم= فهد مليك العرب وافي الجماله
جاني خبره ورحت عجل ومهتم= لقصر من كل العرب في ظلاله
جيت الوزير وقالت له لوتكرم= ودي اشوف الجمس واوصف جماله
قال العفو نستاذن له العلم=يرجع وشوره دايم في دلاله
عبد العزيز بن الفهد جالى الهم=المستشاراللى يشرف مجاله
دخلت انا وياالوزير المخضرم=في مجلس رحب تخالف دلاله
وجيته وهو جالس ووقف وسلم=واذن لى اني اجلس اقباله
وابديت له سر على الناس يكتم=وقال اللذي تبغيه سهل مناله
ودعي الوزير وفي اذنه بالخير تمتم= وفيني يركز نظرته بالعماله
وفهمت وشهو قال له جعل يسلم=عطاني اللى مايعين بداله
يعطي العطي من للمعالى بسلم =يرقى سنود وعزته راس ماله
واقفيت باللى من نظر له تالم=حتى هل المورسيدس عدوه عاله
ولحق بشره من كشخ فوق بي ام=صابه جفال وعاف غالى حلاله
وتعالمو به كل كافر ومسلم=وكلا شغل بالجمس فكر وباله
وجاني الجميح وقال قل كم= مليون كاش ومثلها لك حواله
قلت الذهب هذا على البيع حرم =بهديه للى يستحق الجماله
وناديت من ربعي غلام تعلم=على عبور الحد وقت الجهاله
ثم قلت له ياصبي الصمايل تولم= على الذي ما جالنا بالسهاله
جمس يهوم المدح ويحارب الذم=امهيجن يحيي القلوب اشتغاله
امه تراي استار وبوه جي ام= واكثر طبوعه من طبايع خواله
امصممينه للفضا قبل يفطم= يوم افطموه فقالت القاع انا له
كن حس سلفه لا غمزته ورنم=ضحكت صغير يدرج وسط صاله
ونت سيوره صوت عود ايتهشم=يوم اقفوا الغازين باغلى حلاله
ولا اشتغل كن في قزوزه مترجم= يحكي فرنسي عن ضروف البطاله
لكن شكامينه ليامن ترزم=ايدين سباح هوى من سقاله
ومكينته كنها بريق ملغم=فوقيه احمر والبلى في الحثاله
لجت لحي الغوج لمنه لجم=في حس كبوته لى غط جاله
شبكه يشادي رشرش فوق محزم=على كم التفاح من تحت شاله
لكن مراياته لما اقفى موشم=اذنين ريم ذورتها الثعاله
وشنابره اجنوجه احجول بمعصم=سمرن تهيض بالطرب كل داله
رفارفه كنها ركوح المقطم= وكن القزاز البرق لا انشت اخياله
ومساحتينه حجة اللى تلثم=خشف على العشاق عسر وصاله
صيته يضم اللى طارته ضم=ام تضم اوليدها من دلاله
كنها احتوتفي حضنها هند رستم=او بنت رشدي قمت الفن هاله
وكنه مع القاع العكش لا تهندم=هرش مع الغفران تومي حباله
مقدمه لاقفي يخم العكش خم=عجزت بالتوصيف ا القى مثاله
يشدي لسكران يلاغي ويحشم=ولا لعود مزعلينه عياله
ساعة تشوفه تحسب انك تحلم=لابو الذي صممه ما اوسع خياله
عليه يالمندوب في الليل لظلم=اسروا عسى التوفيق للذيب فاله
لذ من وراء مذلول غرب ويمم=صوب الجنوب ومن صدف لا تساله
تلقى ابو محمد كنه البحر ابو جم=مالله خلقه الا لدرب الشكاله
ثقيل كنه طويق لامن تكلم=تشرب مقاطع هرجته بالبياله
لا جيت ابو محمد ورحب فقل سم= عطه السويك وما احتوته الرساله

وسلالالالالالالالالالالامتكم

هذا القصيده انا اللى كاتبها في الددسن حقي

بس ابو منصور طلبها مني وحطها في الجمس

طبعا ابو منصور يمووون وتنازلت له منها

ودمتم بود
منسم على جمس
goiiiخ lنlwن