من كل حرف وكل شهـوة صبابـه=استغفـر الله واتعـوذ مـن ابلـيـس
اعـوذ باللـي آوى عبـد وسـرابـه=لاجي نهار الحشر خلف امرىء القيس(*)
يـارب , يـارب الكـرم والمهابـه=ياللي لـك أعـلام الأوادم مناكيـس
جردنـي مـن النابـيـه والسبـابـه=ولبسني من دروع هديـك متاريـس
تعبـت مـن مسـك القلـم والكتابـه=والشعر , وفتـن النسـا والأباليـس
والمدح في عزوة و شيـخ و قرابـه=واللاء..لدعوات الرضييـن والليـس
والحب , وماحوله , وماله , وهابـه=والدمـع لاهبـت علـي النسانـيـس
والشـوق وغفـال العقـل ونغلابـه=والليل وخطط الدها .. والجواسيـس
والشهـرة وحكـي العـرب واللبابـه=وزملوق شـف ماتعسـه عواسيـس
وحصر اسمي فشاعر فساحة غرابـه=شعارهـا فيهـم رخـوم وملاحيـس
وانــا لعـطـاش الأوادم سحـابـه=ومن خلقتي ماقد وطيـت الدفانيـس
تاكـي علـى إرث الاسـم بالنيابـه=واقطف خلاصة ما اغرسوه الغواريس
احسبنـي فايـز بالرضـا والذرابـه=واثري مثل من يحصر النور في كيس
اقفي من الله والأمـل والرضـا بـه=واروح أدور من ورا ابليس احاسيس
أسهر علـى فـن الكلـم والخطابـه=واصبح ولين اللي جمعتـه حماليـس
قلـبـي لـعـزاف الاوادم ربـابـه=وراسي لخطوات الشطانـه دواعيـس
تعودني نفسـي ولا أشعـر ولا آبـه=مالت عليهـا عاصيـات الهواجيـس
من عنده إن كـل الشعـور يتشابـه=روس مع اللي في الدحادر مراويـس
الاثم ماحاكه فـي خفـوق وخفابـه=والخيـر ماشاعتـه روس النواميـس
كم شي ٍ صار و صار ولا يندرا بـه=وكـم نومـة ماكدرتهـا كوابـيـس
ترى ما أحد له فـي رقبتـي طلابـه=بس الصراحه مـن شـم الفواعيـس
والرجـل إذا مايعتبـر فـي شبابـه=يعيب قبل يشيـب ويشيـب ويخيـس
يا راجي ارجى اللي ماينصـك بابـه=لاترجي الوهبات من هيس ابن هيـس
استغـفـر الله واتتـقـي عـذابــه=اللي فرقنـي عـن حيـاة المتاعيـس
من قبل لا أعرف الهدى واعنـا بـه=أنا وهمي والحـزن Face to Face
واللحيـن لله .. الفضـل والإنـابـه=متعافي .. ويمشي على زندي التيـس
هادي .. يشوشنـي ظزيـز الذبابـه=لاعـد لايـام الغبـيـه ولا اقـيـس
شريت عقلـي فـي سـؤال واجابـه=أنا أعبد الله .. وإلا أعبد الوساويـس؟
لـذة خفوقـي وإنجلايـة ضبـابـه=سجـدات ليـل ظالمينـه مناعيـس
فـاجواء مكـة والحـرم والرحابـه=لايابعـد رومـا ولنـدن وبـاريـس
هذي ديـار المصطفـى والصحابـه=وهذيك دار ابليـس وعويـل ابليـس
(*)امرئ القيس وهو صاحب المعلقه وقد قال عنه الرسول صلى الله عليه
وسلم (امريء القيس حامل لواء الشعراء إلى النار )
عسى ان تنال اعجابكم
05-03-2006, 12:55 AM
العرض العادي
