اما حبا ولا برك/ماضي العضيمان

[عيد بن شدقان]

عمر الغياب يطول والعرق الشلاوي مااحترك=يا صاحب القلب المدله ذا تغلي او غبا
جيتك وأعد ايام غيباتك..وساعات شْهرك=واقول ياصبري معك ياقايد خشوف الظبا
عندك ياكلّك معشري وانا ياكلّي معشرك=عنك حكاية دربنا غنّابها عمر الصبا
يامرحبا بي في ضيافة حضرتك واتشكرك=وانا بعد لا جيتني بقول لك يا مرحبا
يا مرحبا ياقل جيّاتك الا يامكثرك=في قلب من حَبك..وحُبك في معاليقه ربا
أسقيتني ذااك الحليب اللي يسمونه كرك=ألين صارت جمجمة راسي من الدوخه هبا
ياصاحبي قال المثل أما حبا ولاّ برك=وانا على كيفي بقول اما برك ولاّ حبا
ودي بتخفيف المواجع كل ما القلب اذكرك=الشوق خلاّ روضة الخفّاق يازين شهبا
عسيت خدك والعروق الحمر وأطراف نْحرك=قاعك مساس ومرتع القنّاي وابليس يهبا
ماودي يحبك سوى قلبي ولا احدٍ ينظرك=الا عيوني ياهوى بالي ويا حلو النبا
يامنوتي يا هز غصنك كل ما جيت أسهرك=عليك قلبي قام يلذع مثل لذع الكهربا
مابين تفاحك وتوتك واصفرك هو واحمرك=ضاقة حدود الطاوله والضيف ماعاد انتبا
قنّايك اللي شبعك وارهى عليك وضمرك=عزالله انه كاسبٍ فينا مثل كسب الربا
ياكن زولك للقلوب الخضر يالغاوي شرك=ما زارت ارضك عين واقفت ما خذت معها وبا
لا يا وبا العشاق ياجرح القلوب المشترك=ياكثر قتلاك ومصاويبك دبا..دبا..دبا
انا عرفتك ليت طيري ما لفاني بخبرك=ياللي سموّي نزلك ولاّ انت عرشك في سبا
للشاعر/ماضي العضيمان

[اطياف الماضي]

صح لسان شاعرها

وسلمت يمينك اخوي عيد على النقل الجميل

تحيتي

[فزاع]

عيد لاهنت على النقل

ومشكور وصح لسانه ابومبارك

تحياتي لك اخوك رمان

[عيد بن شدقان]

اطياف
حياش الله
ولاهنتي
والجميل هو مرورش هنااا


ولكي تقديري

[قرقاص]

يا جماعه الشاعر ماضي بن عضيمان شاعر غير طبيعي وصدقوني إنه شاعر قبيلة العجمان القادم

صح لسانك يا بن شدقان ولسان بن عضيمان ولاهنت

تقبل مني تحيتي ،،،


قرقاص

[الباشا]

صح السان الشاعر ماضي بن عضيمان

ولا هنت اخوي عيد على النقل

[عيد بن شدقان]

يامرحباا يارمان

ولاهنت يالغالي
حظورك اسعدني

ولك تقديري

[^تسـوااهن^]

ماودي يحبك سوى قلبـي ولا احـدٍ ينظـرك=الا عيوني ياهـوى بالـي ويـا حلـو النبـا

لاهنت ياعيد على الاختيار الاكثر من راائع

وصح الله لساان ماضي العضيمان

[عيد بن شدقان]

يستاهل بن عضيمان شاعر مبدع

ولاهنت يا قرقاص

وصح بدنك يالغالي
حظورك اسعدني


ولك تقديري

[سند]

عيد بن شدقان

صح الله ألسانك ولسان بن عضيمان

ولاهنت يا السنافي ولاترحمنا منك ومن جديدك

تقبل أطيب وأرق تحياتي,,,