العروس

[سمو الامير]

هذي قصيده اعجبتني وحبيت اشارك بها وعسى تحوز رضاكم وهي لشاعر ناصر القحطاني


خـويـة درب عـمــري مـاخـذانـي دونـهــا النـسـيـان

وأنـا يـا اهـل الملامـه مـا رغبـت العيـش وحـدانـي


أبيـهـا مـهـره ماعسـفـت صغـيـره وبـنــت حـصــان

ابـوهــا الـلــي يـفــك المشـكـلـه ويـزبــن الـجـانــي


واخوهـا لا تـعـزوى باسمـهـا فــزوا لـهـا العـربـان

يـحـق لـهـا الفـخـر فـــي قـولــة آل فـــلان جـدانــي


أبـيـهـا فـــي بـحــر عـشـريــن لا زود ولا نـقـصــان

أبيهـا اقصـر طويلـة والوصـوف اشـكـال والـوانـي


أبي الجبهه كما الصبح وكما القوس اسود الحجان

وابـيـهـا نـاعـسـات ونرجـسـيـه ســــود الاعـيـانــي


ابـي رمـش كمـا ريـش يغطـي الثلـج فـي الاوجــان

وابــي جـفـن يشـيـل الـرمــش طـربــان وكـسـلانـي


ابــي خـــد كـمــا ورد تـنّـمـى فـــي طـــرف بـسـتـان

وابـي خـشـم صغـيـر ومـثـل حــد السـيـف شامـانـي


ابـي البسمـه كمـا البـرق وثناياهـا كـمـا المـرجـان

شـفـاهــا جـمـرتـيـن وفـمــهــا خــاتـــم سـلـيـمـانـي


ابــي شـعـر مـثـل ذيــل الـفـرس لا طـبّـت الـمـيـدان

او الـشــلال لامـــن بـــات لـيـلــه بــيــن الامـتـانــي


ابــي جـيـد ســـوات ابـريــق فـضــه نـاتــق مـلـيـان

وصــــدر كــنــه مــرايــه عـلـيـهـا طــلــع رمــانــي


ابـي ظهـر كمـا الـجـدول وقــدّ مـثـل غـصـن الـبـان

وخـصـر مـثـل مـجـدول الـعـنـان وجـســم رويـانــي


ابـيـهــا نـابـيــة ردف وبــطـــن ظــامـــر جــوعـــان

ابـيـهـا مـدمــج ســـاق وقـدمـهـا لــســان ثـعـبـانـي


ابيـهـا بـنــت عـــز مـــن رغـدهــا يـنـعـم الفـسـتـان

ابــي الـرقـه وابــي الـدقـه لـهـا باطـرافـهـا شـانــي


ابي المشيه كما اللـي طالـع مـن المعركـه كسبـان

وابيـهـا تــرش مـــع خطـواتـهـا مـســك وريـحـانـي


ابـي صــوت الــى مـنـي سمعـتـه كــن فـيـه الـحـان

يـدغـدغ مسمـعـي ويثـيـر كــل السـحـر فـاشـجـانـي


ابيهـا حـب واخـلاص وهواجيـس وفــرح واحــزان

ابيـهـا مـثـل مــا دكـتـور اهـالـي العـشـق وصـانــي


ابـيـهـا لــوحــة مــــا صـورتـهــا ريــشــة الـفـنــان

ابـيـهـا جـوهــره مـــا جـابـهــا قــاصــي ولا دانــــي


ابيـهـا تنتـصـر لــي مـــن زمـــان حـطـنـي نـيـشـان

وتبـشـر بـالـغـلا الـلــي مـالـفـى بـــه واحـــد ثـانــي


مـهـرهـا قـلــب وشـعــر يـهــز الـقـلـب والـوجــدان

وألبـسـهـا القـصـيـد وتـصـبـح اوزانــــي وقـيـفـانـي

ابي اللي فات واللي فات صعب ومن لقـى العنـوان

يــرد الـعـلـم ولا افـضــل ابـقــى اعـيــش وحـدانــي

[admin]

ابيات مليانه وصف فوق الخيال صح لسان الشاعر ناصر القحطاني
ولاهنت يا الامير علي هالاختيار

[ffahad]

مشكورة ياالميرة على النقلة الطيبة
وصح لسان ناصر القحطانى شاعر الاندلس

[اخو بدوه]

قصيده جدا رائعه

[سمو الامير]

هلا والله
اخواني مديرناابوفيصل
فهد
اخوبدوه

ولا هنتو عالمرور

[أبو الوليد]

لا هنت يا صاحب السمو

وصح لسانك ولسان الشاعر

تحياتي لك

[سمو الامير]

مراحب ابو الوليد

اسعدني مرورك

وياهلا

[ابن مكتوم]

لا هنت يا صاحب السمو

وصح لسانك ولسان الشاعر


بن مكتووووووووووم

[سمو الامير]

مراحب ابن مكتوم


اسعدني مرورك

ولا تهون
وحياك

[حبيب]

مو الامير لاهنت

الله يعطيك العافيه

جزل ولاتجيب الا مثلك


وتقبل تحياتي