قصيده جديده عسى أن تنال اعجابكم..
مُجمع السِيٌف..!!
سلٌـم علـى (سـرحـان).. يابوالنفانـيـف=وقلّـه: تـرى ماضـي عليـك يتـتـوّق ..
وإنه يجر الصـوت فـوق المشاريـف=ويقـول مـن وجْـده وكنّـه يـسـوّق
الله كسـاك الزيـن يامجمـع السـيـف=بالـورد واوراق الخـزامـى مـطـوّق
من عقب ماداجت بـك غزيّـل الريـف=اللـي بوقـت عصيـر جاتـك تسـوّق ..!!
الجـادل اللـي ماحوتهـا التواصـيـف=وغصبٍ علـى خشـوم البنـات اتّفـوّق
عطتنـي حـروف الغـلا بالسوالـيـف=والفـال يـا امـا طـاب.. ولاّ تـعـوّق
ومادامنـي ملقـوف.. عنـد الملاقـيـف=امــا يضـيـق الـبـال.. ولاّ يــروّق
جيت اتـذوّق وصفهـا واشربـه كيـف=وانـا علـى حلـو الوصـوف اتـذوّق
واللي يجي في الصيف ولاّ ورى الصيف=قلّـه: تـرى مــا للدعـايـه مـسـوّق
عقبك مـدرٌج (هيثـرو) يراسـل (جنيـف)=فـي الجـو.. وأبـراج المطـار اتّشـوّق
وانـا علـى (سـرحـان) يابوالنفانـيـف=قـد لـي شهـر.. وايـام وانـا اتـتـوّق
وسـلامـتـكـم
الشـاعر../مـاضي العضيمـان
اجـمـل تحيـة وتقـدير
17-08-2006, 07:45 PM
مجمع السِيٌف..الشاعر/ماضي العضيمان
العرض الشجري