بديت باسمك ياالهي واستعين
ياللي خلقت الكون رب العالمين
الواحد المعبود عني يامعين
لجل القوافقي العوص يات(ن)طايعين
والعب مع الطاروق لعب المسردي
أبغى القصيدة تلبس المعنى الجزيل
من شان تحميني وتبقالي دليل
لاني أحب معانق اللي مستحيل
درس(ن) تعلمته من العود النبيل
من بعد هذا اسمحولي ببتدي
آقول واشرح واجب غصب علي
آقوم به فرضا علي منزلي
في محكم كتاب الكريم مرتلي
للعاقل الخايف من اعقاب الولي
لي جا نهار(ن) فيه جسمك يشهدي
الوالدين فرض(ن)علي أخفض لهم
جناح ذل ولاقول أف(ن)لهم
مهما فعلته والله ماوفي حقهم
ياكيف والله في كتابه عزهم
وارسل رسولة بالوصية يرشدي
من بعد ذا هيا نخوض الملحمة
ونبدا تفاصيل الأمور المبهمة
للي جهل في الشعر واللي يفهمة
ووضح التفصيل لاجل أسلمة
وافي وابين غايتي والمقصدي
فارجوا من اللي حاضرين ويسمعون
بعض الهدو لاجل الشعر له ينقدون
واوصل المعنى لمنهم ينكرون
ولفضل أبيهم وامهم مايذكرون
فالنار مثواهم وهي الموعدي
خلوني ابد بالمحلكم عزوتي
اللي إلى نهج المعالي قدوتي
أمشي على دربه واثبت خطوتي
والمرجله والنعم تبقى منوتي
هذي نصيحة قالها ويرددي
احرص على ربعك ترى ربعك قروم
واحذر تغيب اليا بدا وقت اللزوم
ومن ضايقك منهم افقله امحشوم
وبعراض ربعك لا تساوم أو تسوم
وبجلسة فيها الردى لا تقعدي
من قبل تفهيمي أموري في الحياه
ركز على فهمي لديني والصلاه
لأنها طوقي وحبلي للنجاه
ياما ذكرها لي ووصاني وصاه
لاتقطع فروض الصلاة وتسعدي
كم مرة قد صكني كف قوي
تبقى علامتها على خدي شوي
لاجل اتعلم وانتبه قبل انكوي
من واحد كنت احسب انه لي خوي
واذا غفلت بسهم غدرة سددي
مهما يطول الشرح ماوالله وفيت
أحصي فضايل شايبي لوني بغيت
اللي لمن ريته من الفرحه بكيت
الشايب اللي من حنانه (م) ارتويت
يفداه حالي قبل مالي وولدي
من بعد أبوي بسلا معا حلوة حليب
اللي القصايد لجلها كادي وطيب
واللي سوالفها كما وصفة طبيب
والجرح من ضحكت ثناياها يطيب
أمي عساي لزولها مأفقدي
ياكيف أعبر عن فضايلها الجزال
سؤال مطروح(ن) ويا صعب السؤال
والله ما حصي فضلها بنت الحلال
لو البحور ولو حبات الرمال
حبر لوصف الوالدة ما حددي
قاله رسول الله محدن قالها
لو ابن ادم فوق كتفة شالها
سبعين عام والله مايجزالها
آلام طلقه عند وقت مخاضها
والله في محكم كتابه أكدي
تسعة شهور ساكن وسط الحشى
ما قالت أف لي حرام ولا حشى
وتصبر على الآلآم صبر يدهشى
ومن فرحت(ن) بي جاشها لي يجهشى
وهي تعرف(ن) عذابها في مولدي
بعد الولادة يبتدي عهد جديد
عامين أرضع من صدرها والوريد
وبصوتها الدافي تقصود لي قصيد
امي أنا اشهد باسها باس(ن) شديد
وتشيلني في ميزب (ن) فوق اليدي
تركض بنا الايام ركض(ن) مسرعي
واكبر وأمي همها يكبر معي
ان رحت ماترتاح حتى أرجعي
وتراقب الشارع بعين تدمعي
والقلب يخفق لو يزل الموعدي
والله لابقى مخلص(ن) طول الزمان
لابوي وامي حيثهم نبع الحنان
ون قدرهم عندي رفيع مايهان
ويزود مع زود الدقايق والثوان
مادام به برق(ن)وغيم (ن) ورعدي
ياويل مزري والديه من العذاب
الله يسكر مرزقه من كل باب
ان اشهد انه خايب(ن) يوم الحساب
وبيده اليسرى مسك فيه الكتاب
والنار ختمانه أبو وجه اسودي
يامبختك ياللي تعب في والديه
مثل (ابن سدره هادي) سلمت يديه
فعله ينومس مطلق(ن) بامه وابيه
هذا مثل من ضمن بيضان الوجيه
جعله بجنات النعيم يخلدي
والخاتمه صلاة رب سلمي
على محمد الرسول الهاشمي
والعذر منكم أطلبه واتقدمي
ان كان قصر دون مارودي اقلمي
وضحت ماعندي وقدمت اجهدي
وسلامتكم ...... وابن سدره اللي ورد اسمه في القصيدة مثال حي لامثلة البر بالوالدين حيث كانت والدتة الكبير في السن تناديه يا ابي من كثرة محبتها له ومن معاملته الباره لها
19-03-2007, 06:51 PM
العرض العادي
