المصراني والعرجاني..!!!

[عـزام]

السلام عليكم ورحمة الله وبركاته

هذى مساجله من أروع المساجلات اللى قريتها وهى بين الشاعرين المبدعين عبدالله بن عماره ال مصرا العجمى والشاعر حسن بن نافل العرجانى.

وأتمنى ان يكون إختيارى موفق.


قصيدة الشاعر // عبدالله بن عماره

أديت خمس فروض دين الله وجيتك يا حسن= في جيّتي دفعه لسيّه وانجذابه لحسنه
قمت آتحلا فالجبال اللي على البيدا رسن= شارب يدسمه القدر قدره وشارب يحسنه
خليت ريمه فالخلا ترثع وهديت الرسن= والحمل فوق الهرش حطيته وجبته برسنه
لو ينشد النشاد جاوبته انا مكبور سن= أكبر بيوم أفهم (على قول الرياجيل) بسنه
يوم البيارق من ورى شط العرب قد نكسن= بيني وبينك يا حسن وش دخل أهل البوسنه؟؟
يوم الفوارس طيّرت راس الفريسه وفرسن= شوش عقيد الراي للفرسان طبع الفرسنه
خمّس له الفارس وخمس أمّات خمسٍ خنسن= خنساء واربع مثلها على حساب الخمسنه!!
الجوخ الاحمر..والكفن..والرمح..والصيت الحسن= الاوله والثالثه لاهل الشجاعه محسنه
والثانيه من بعدها للرابعه درب ومسن= يالله حسن الخاتمه واغفر حصاد الالسنه
أديت خمس فروض دين الله ولا ادري يا حسن!= هل جيتي دفعه لسيّه وانجذابه لحسنه؟؟



عبدالله بن سالم آل عماره العجمي

رد الشاعر حسن بن نافل العرجاني

بسم الله الرحمن والخنس بعيدٍ خنّسن = أعوذ به من شر نفاث العقد والخنسنه
من صام شهره واحتسى فرضه وقلبه ما أسن = تحميه عينٍ ما خذاها النوم طرفات وسِنه
سود النوايا يا عريب الجد يهبن ويخسن = حتى ولو جات اللوافي من على (سن)و(سنه)!!
قمت آتحلا فالنجوم اللي على الصخره قسن = والظل ما ظلل ظليل العقل حزة شمسنه
ما يفهم التاريخ يا كود العقول اللي درسن = ما تخلط المفهوم بين الفرس والغساسنه؟!!
والبوسنه وامثالها من دمنا لو يحتسن = فينا الكياسه والرياسه تستوي بالكيسنه
خمّس عقيد القوم خمس اخماس والخنسا..تسن = قانونها للنايحات مْن البواكي درسنه
والروس تحت الموس . والنوماس والبيضا كسن = خطلان الايدي مشتهين الزود وقت الشرسنه
والسيف الاملح..واللحد..والدرع..والذكر الحسن = الاوله والثالثه لاهل المعارك ترسنه
والثانيه للرابعه كالشيب في وجه المسن = لا طاب شيبه طاب ذكره واعتلت محاسنه
ثم علم اللي ينشدك قله معلمني حسن = ان جيّتك دفعه لسيه وانجذابه لحسنه!!!




حسن العرجاني

تحياتي لكم

الولـــــهـــان