ماحب أقول ألا الكلام اللي يشد الانتباه@ولااكره الا حاجةٍ مستعصيه في يد حقير

[علي بن ذروه]

السلام عليكم ورحمة الله وبركاته

اشكر الاخ/ بندر


على دعوتي في هذى الصرح الشامخ واشكر المشرفين والقائمين على هذى المنتدى

واليكم قصيده بسيطه جدا لتواصل معكم

يقـول مـن مافيـه درب ألا برجلينـه وطــاه
وتجـارب ألايـام علمتـه مـن الدنيـا الكثيـر
وأستنتج أن الحـظ فاالدنيـا مـع قـو الصـلاه
وأن السعاده في حياتـه يحيـي الثلـث الاخيـر
وأن القهر لاصرت تهوى شـي ماتقـدر عـلاه
وتمثل أنك في سعاده وأنت مثـل اللـي ضريـر
وعرفت بن الوقـت متقلـب ولايكشـف خفـاه
وأن البنادم لو جفـاه الوقـت فـي عينـه كبيـر
يقوله اللـي شـاف مـن الأيـام ماجـاه وكفـاه
وأن الخيال أحسن تعيش أجواه من واقـع مريـر
مااحب اقـول الا الكـلام اللـي يشـد الأنتبـاه
ولا أكره الا حاجةٍ مستعصيـة فـي يـد حقيـر
وليام تركض والعمر يجـري ولانعـرف مـداه
وختامها فـي خانتيـن امـا نعيـم او زمهريـر
وارضاء الأذواق أصعب من الصعب تتأقلم معـاه
وأنا بسـوق الركـب للعليـا وباحـث المسيـر
مـن لاتعلمـه السنيـن يمـوت ماحقـق مـنـاه
يصيـر قبظـة مخلـب الايـام ولدنيـا (نسيـر)
وتوجـد الأنسـان ماينفـع وتقـريـط الشـفـاه
للفرصه اللي روحت من دون مايسمـع شويـر
أضرب مثل وأنا أدري المكتوب في عرض الجباه
لازم تحلاه العيـون ويصبـح لعمـري مصيـر.
وياقلبي اللـي عـاف ذى الدنيـا وخلاهـا وراه
ثـم أقتنـع بـن الحيـاه الزايلـه شر(ن)وخيـر
يقوله اللي ماقصدهـا بـس كـذى علـى عمـاه
لا والله ألا صـار مـن الايـام فاالدنيـا خبيـر
ياسعود تكفى ويش جاب الفقر في جنـب الغنـاه
الفقر بيتك ياالشقي والا الغنـى راحـة ضميـر
سمعت بأن المال ماهو ساس في مجـرى الحيـاه
قلت المثل هذى غني سـواه يرضـي لـه فقيـر
وياسعود دامك تعرف اللي داخل البيـر وغطـاه
الله يرحـم والديـك تـعـدي الليـلـه بخـيـر