يحضن الجـوال فرحـه لا قـرا منـي رسالـه.. مشاري المــري..

[الجامحه!]

يســعد مســاكم جمـــيعــا ...

رحت اصف اسوار شعري فن حيده فوق حيـده=لين صار الشعر قصر يطـرب العيـن اعتدالـه
وان غدا شعري قصر ويش الخطا لا صرت سيده=آمـر وانهـى لأنـي حاكـم وصعـب اغتيالـه
واشبك واحبك واسبـك هاجسـي وافـك قيـده =واطلقه يسـري مسـاري ترفـق بحالـه لحالـه
يوم كـلٍ راح يقصـد فـي خليـلٍ لـه يريـده=ويش يقصرني انا مـا اقصـد بخلـي وبجمالـه
جعلهـا فـي ذمتـي لا شـد فكـري واستعيـده=وابدع ابياتٍ مـن ايحـاء الشعـر وامدهـا لـه
دامـه اللـي طالـبٍ منـي اسويبـه قصـيـده=ليه ما اقصد دام روحـي والمشاعـر كلهـا لـه
صاحبن زاحم غلاي الدم فـي محـرى وريـده=لين صـارت كـل قطـره دم تطلبنـي وصالـه
صاحبٍ لا قلت له يازين سيده ؟؟ قـال:سيـده=ماتلفـت لا يميـن ولا خــلاف ولا شمـالـه
وان مسك جواله وهوجـس يـدور فـي بريـده =يحضن الجـوال فرحـه لا قـرا منـي رسالـه
صار اسمي بين ربعـه دوم فـي همـسٍ يعيـده =وان سئل منهو مشاري ؟؟ قال انا مالـي ومالـه
شاعـر فالباديـه شفـتـه بحلـقـات عـديـده=واعجبتني كم قصيده لـه بهـا حبـك وجزالـه
وان سئل ويش القصايد ؟؟ قال ما أذكـر قصيـده=لجل يسكت واحـدٍ يضحـك ولا ياقـف جدالـه
وإلا هو حافـظ قصيـدي مـن قديمـه لاجديـده=واجمل ابياتـي يقولـه لاحـزن او كـان دالـه
صاينٍ صيتي بصمـت وعـز واخـلاق حميـده=لان دمه خالطـه عفـه وحشمـه مـع اصالـه
قبل اعرفه كـان قلبـي قاسـيٍ مثـل الحديـده=ومن عرفته صرت اهيم اليا غزا فكـري خيالـه
والمشاعـر قبـل اعرفـه كنهـا عـذرا بليـده=وعقب عرفه كنهـا شيبـه فقـد اطيـب عيالـه
احسبنـي مـا اليـن وخافقـي محـدن يصيـده=ليـن اربكنـي ثقـل جفنـه وصادتنـي حبالـه
له وصوفٍ تجعـل الاطـرم يـردد لـه نشيـده=ليـن يسمعهـا فقيـد السمـع ويـردد .. يالالـه
وان بغيت اكثر ادقق فـي صفـاتٍ لـه فريـده=قامت الساعه وانا ما جبت وصف اردى خصالـه
وأذكر انـي جيتـه بليلـه حشـا ماهـي نكيـده=يـوم جيتـه موقَـد ضـوه ومتحظَـن دلالــه
قلت انـا ضيـف لفـا يازيـن مـن دار بعيـده=بس باصير المعزب وانت ضيفـي والعشـا لـه
وابتسم ثم صد واخلف نبض قلبي طـول جيـده=وارتبكت ورحت اصب قهوتـي بوسـط البيالـه
ليلـةٍ مـرت ولا ادري هـي نكيـده او سعيـده=الوكاد انـي سريـت وحالتـي ماهيـب حالـه
لـو يشوفـه شيبـه يهوجـس ومسباحـه بأيـده=عض مسباحه وصد وقال زينـه ليـت انـا لـه
ودام ابياتـي قعـودي والمشاعـر فيـه بـيـده =والله ان اروي قعودي واشبعـه واطلـق عقالـه

اتمنــى ان تنــال على رضــا الجمـــــــيع ..


الجامحه!