(حصريا للمنتدى) الثلاثي المرعب .. ضيدان وسلطان وابن شلحاط

[dont play with me]

بسم الله الرحمن الرحيم






يقول بن جدلان :

ياللي تقول ان الشعر همزه وكسره=يقول فكرك مقدي ٍ وانت ماقديت

^
^
^
^

صادق بن جدلان



انا واعوذ بالله من انا من اعضاء المنتدى المحبين له


وجبت معي هذي الرديه الثلاثيه وهي من الوزن الثقيل (حصريا لمنتدى العجمان)

وتراها هديه مني للمنتدى واعضائه عسا انها تكون هديه رائعه


دارت راح هذه الرديه بين العمالقه :


1- مانع بن شلحاط

2- سلطان بن وسام

3- ضيدان بن قضعان





طبعا الاسماء الثلاثه ماتحتاج مني أي كلمة مدح في حقهم لأنهم غنيين من مدحي


وحان وقت الجزاله



وبداها بن شلحاط ويقول:

يالدبيّبه ياولد عمي يا اخيّ الدبه= القصيده (وساميّه) واللحن (قضعاني)
يابحور الشعر يا أجمل ماتظم الغبه=يازفير الموج ياللولو ويالمرجاني
جعلكم بعد السفيه اللي دعم فالشبه=يتبع جموس البدو فالسايد المثناني
والله إني ماكرهه لكن ماني بحبه=كرهني ياكرهني للعالم الفقراني
ليه بروزتوا صور(بباي) زين الحبه=(لين قام يقول ذا الأول وهذا الثاني)
(من تعشى الحبحبه.!! يجمع بقايا حبه=خاف يزرعها الفقير ويكبر البستاني.!!)
والسلام ختام ,, والباشا يدق الصبه= انتهى الموجز .. وأحوّلكم على (كراني)

اهااا عاد يقول سلطان بن وسام :

راس ابن شلحاط بيّن والهبوب تهبه= حتى لو إرسالته (مخفية العنواني)
فرمضان يصوم ويصلي ويطلب ربه= والشهور الباقيه بسم الله الرحماني
يستدير وينفخ الجمر الحمر ويشبه=ويعتزي ويقول: ياناري ويادخاني
قلت : وش بك ؟ قال: أنا مجنون وانت السبه=انت ويا صاحبك ضيدان ابن قضعاني
(تمدحون المنتهي وتلبسونه جبه=لين قام يزاحم الفرسان فالميداني)
(مادرا إنه وكري ٍ لو حط فوق الشبه= يرفع الجنحان ولا يرخي الجنحاني)
الشعر مهوب لعبة من بغى يلعبّه=عالم ٍ ماتفرق الاصلي من التيواني
واكتشفت افكار ابن شلحاط حبه حبه= يعتبر نفسه خليفة هتلر الألماني

اهااااا ثم عاد جاكم ضيدان ابن قضعان مافي راسه عضام :

راكب اللي ماش له ماما ولا له ببه= اخترع شكله امريكي واصنعه ياباني
جيب شاصي فالعتش والصلب كن مطبه=طمرة الزيدي ليا غنا له الجيلاني
نصه اللي فالحنايا ماتغير حبه=شايب ٍ أقدّره من عادنا بزراني
هو استاذي فالقصيد وفي عموق الغبه=في زمان العولمه والشاعر العلماني
برفسور الشعر واللي سواه نكبّه= لو الابرص خاشره في شاعر العجماني
قل لأبن شلحاط أبو الطيب هجا طرطبه= وذبحه فاتك وهو من خيرة الفرساني
وانت عود ٍ نص بطنه واصل ٍ اركبّه=لاتشقوا فالهوا وتحرّش الضباني
والهواجر شيخهم لأبطيت منه نبّه=والشحم فالك وفال الشاعر العرجاني
والسلام ختامها ولكل شي ٍ سبّه= وانت سبة ضيقة الخاطر وصح الله لساني

عاد يا dont play with me اقول :

طاح صدام الونيت اللي ظرب مطبه && والعوض فالددسن اللي من صنع نيساني

أصلح أكون الشاعر لرابع ؟




لا امزح عليكم بس دخلت جو تعرفون انا اللي احط الموضوع ما اقدر اعلق عليه




هذا ما بغيت اهديه لكم



تقبلوا تحياتي واحترامي


dont play with me