ماليزيا ما تستاهل العنوه !!

[كايف]

دائماً ما يكون لدينا شعور غريب للإستطلاع !

والأغرب أحياناً أننا نأكون متأكدين من سوء ما نطلع عليه ومع ذلك نصّر على الإستطلاع ...

فمثلاً ... بلد مثل ماليزيا سمعت عنها شخصياً الكثير ، فهناك من نصحني بالذهاب إليها وهناك من أثق في ذوقهم نصحوني بعدم الذهاب ، ومع ذلك رتبت عفشي وذهبت لمجرد حب الاستطلاع هذا !!!

بإختصار شديد ... ماليزيا بلد أقل من عادي ولا يستاهل العنوه ... ولا يوجد فيها فنادق عالميه كما نسمع بل فنادق أقل من عاديه والجو حار جداً والرطوبة عاليه والأكل مش ولا بد !! ، كل هذا وغيره الكثير في ماليزيا طيبة الذكر ...

شخصياً فقد قطعت عهداً بعدم الذهاب إليها أو أي بلد آخر ما لم أكن متأكد من توفر شروط السياحه فيه ... ونصيحتي للجميع بالتريث قبل الذهاب إلى سحر الشرق ماليزيا كما أسموها !!!!!!!!



تحياتي للجميع





كايف

[قاصد الخير]

والله ياخوي كايف انا ماليزيا يقولون حلوه وناس تقول عاديه

ولكن اسعارها مرتفعه مقارنه مع دول شرق آسيا وتصلح للعوائل أكثر


فيه عندك البديل اذا انت من عشاق اسيا وتحب البحر والرحلات البحريه والجزر الجميله جدا

والمناظر الطبيعيه الخلابه من شلالات وجبال


وايضا فنادق ممتازه وبلد نظيفه وغير مكلفه وتصلح للشباب والوناسه

وهي تايلند ونصحوني فيها وبزياره مناطقها مثل (بانكوك العاصمه) وبوكيت وبتايا وشانغ ماي

وغيرها من المانطق التايلنديه




اسمح لي عالمداخله

[غـشـام]

عليك بأوروبا ولا تسأل

[بــ راكان ــنت]

المشاركة الأصلية كتبت بواسطة غـشـام

عليك بأوروبا ولا تسأل

صح لسانك..
فعلا اوربا وبس.. لاتعب حالك..

وبصراحه انا مثلك اخوي .. جربت ماليزيا من زمااااااااااااااااااان قبل لا تصير وجهه سياحيه مثل هالايام.. وكل ماقول للناس انها مو حلوه ولا تستاهل الواحد يدفع فيها.. مادري كلهم يردون يقولون حلوه.. اناس غريبين.. بس الحمد لله في احد يأيد كلامي..



Dr.Corvette

[غـشـام]

المشاركة الأصلية كتبت بواسطة بــ راكان ــنت

صح لسانك..
Dr.Corvette

صح بدنك
قلبنا موضوع الرجال قصيد وسوالف

عذراً اخوي

[كايف]

حياك الله يا قاصد الخير ولاهنت المشاركة والمشورة الطيبة

وبيض الله وجهك

[فهـد]

حياك اخوي كايف

وسمحلي انا ما اتفق معك في بعض الامور

انا حاليا اكلمك من كوالالمبور وتحديدا من فندق صن واي لاقون واهو فندق اشهر من علم ومن خلال هذا الفندق فهو يتحدا اكبر فنادق اوروبا

وغير هذا الفندق فنادق كثيره مثل الوستن اللي بشارع العرب اذا انت جاي ماليزيا اكيد انك تعرفه
وتعرف فندق الماندرين اللي ملاصق للبرجين

وغيرها كثير

واتفق معك بالجو ا فقط ووقت النهار

[قاصد الخير]

فهد الحمد لله على سلامتك


بسال عن كوالامبور

اذا تصلح للشباب ؟؟

يعني فيها رحلات وجزر جميله ؟ او مدن ملاهي كبيره ياليت اذا تنصحنا فيها تعطينا الاماكن

الزينه والفنادق الي اسعارها متوسطه مانبي شي غالي


نبي شي متوسط ونظيف للفنادق؟

[فهـد]

هلا يا قاصد الخير

تصلح اشوفها للعوايل اكثر ماهي للشباب ويمكن علشان اكثر الي فيها عوايل علشانها بلد اسلامي

وانا مع وعيالي الحمدالله مرتاحين فيها واشوف انها افضل للعوايل من اوروبا وخصوصا للي معه اعياله علشان نشاطات الاطفال كثيرة فيها وهذا اللي ماحصلته في اوروبا


لكن تقدر اذا انتم شباب تضبطون لكم برنامج وتزرون جزيرة بينانج وهي تقريبا ساعه الا ربع بطياره وتذكرتها تقريبا 9 دنانير للشخص من موقع طيران اير اسيا

وتقدر تسكن في فندق بافيو بيش وهو فندق ممتاز وقتصادي في نفس الوقت تقريبا الليلة فيه حول 35 دينار من مواقع الانترنت ارخص طبعا من مكاتب السفريات وهذا اللي انا ماشي عليه

وتقدر تسكن في فندق اكثر من ممتاز وخمس نجوم في كوالالمبور اسمه استانا وسعرة 22 دينار وفي مكاتب السفريات في الكويت 40 دينار فرق كبير طبعا

وتقدر اول يومين تزرون فيها ماليزيا تحجز في فندق الصن واي لاقون واهو فندق او منتجع تقدر تسميه وسعر الغرفة تقريبا 32 من مواقع اسيا ترافل ويعتبر عرض مستحيل تحصله في الكويت اقل من 48 دينار


والاماكن واجد اللي تقدر تزرونها حتى لو انتم شباب لكن الافضلية للعوايل
وخصوصا المعاريس اللي ناوي يتزوج قريب انصحه والله انه يجيها وبدون تردد



وبخصوص الجو ترى جوها يتغير كل ساعه مره رطوبه خفيفه ومره مطر وحاليا الساعه 4 بالضبط العصر والجو اروع مايكون ومطر خفيف علينا

[كايف]

حياك الله أخوي فهد


بالنسبه لصن واي لاقون فهو (ألحط) فندق سكنت فيه بحياتي ومن أقذرها بعد ... ولا فيه أي لمسة فخامه تذكر ... يعني باختصار فندق الموكيت حقه وسخ ودورات المياه (أكرمكم الله) ضيقه والسرير حق نفر ونص !!! والتلفزيون تحس أنه من العصر العباسي ... والغرفه موجود فيه جميع أنواع الألوان كأنك داخل محل بويات ... والغريب بعد إنك تسمع أصوات الناس إللي في السيب !!!... والألعاب المائية التابعة للفندق تحتاج إلى إعادة تأهيل !!!


بالله عليك يا فهد هذا فندق تتحدى فيه فنادق العالم ؟!!!!!!!!!

أجل ما شفت برج العرب ولا فندق القصر ولا جراند حياة في دبي ؟!!!!

بصراحه استغرب مدحك للفندق هذا بالذات ولماليزيا بشكل عام ... وهي والله العظيم من وجهة نظري المتواضعه لا تصلح لعوايل ولا شباب .... وانا شخصياً ندمان على كل يوم قضيت فيها وحتى اللي معي والله ما كانوا مبسوطين بعد ...

وعشان أكون معك صريح ... الشخص اللي متعود السفر للبنان وتونس ودبي وأوروبا صدقني ما راح تعجبه ماليزيا أبداً




كايف