× دمــــــــــــــوع آلمــ ح ـــآبـــر ×.. }~

[طبــ ع ــي كــذآ.. }~]

الموآضيع المشابهه


7
7

آسفل الصفحه



من طول الغيبات جاب الغنايم ياقصيري



ولكم باك ولا عاد تبطي علينا

[طبــ ع ــي كــذآ.. }~]

السعادهـ حلمـ والدنيا آماني .. ؟!

[طبــ ع ــي كــذآ.. }~]

مات الجمر وقلوب الاحباب حيه
................. والموت لاماتت قلوب الحبايب

[طبــ ع ــي كــذآ.. }~]

جف السراب.. ولابقى شـيء معقـول ... .... ....
إلاّ إني أجلس فـي مكانـي وأتابـع

أشرب ضمايه.. من ضمايه..وأنا أقول: .... ......
كذب السـراب ولا جفـاف المنابـع

[طبــ ع ــي كــذآ.. }~]

تدري..وش أكبر جرح عندي ..يابوسعود
.. .. .. إني أحـب إنسان.. وأدري ماهو لي

[طبــ ع ــي كــذآ.. }~]

[طبــ ع ــي كــذآ.. }~]

لاعلي شرهه ولاحتى عتب= لاتقول ولاتعيد ولاتزيد
كل شيٍ صار في ساعة غضب= قدر الله والله يفعل مايريد
,,
مابقى غير اشتياقي والتعب =في غيابك لين النار الحديد
ناظر بعيني تعرف اللي يحب =يا اقرب الاحباب لاحبال الوريد
,,
المحبه نار وضلوعي حطب =والمسافه سجن والاحساس قيد
مانويت البعد صدقني كذب= الظروف اللي تسيرنا اكيد
,,
من ورا قلبي ترا الفرقا غصب= ما لهذا الجرح لو فارقت عيد
ايه احبك لكن البعد انكتب= حبني لكن من بعيد لبعيد

[طبــ ع ــي كــذآ.. }~]

ياليل مطولك وانا ياليل ما اخبلني
.................من الفجر امس مواصله للحين

مدري هبال ولا وش مسهرني
.................راسي مصدع واشوف الزول زولين



آبي آنام

[طبــ ع ــي كــذآ.. }~]

1995-1996

بالعام الدراسي المذكور اعلاه كنت طالبه في السنه الثانيه الإبتدائيه

كنت في السابعه ربيعاً


في احد ايام تلك السنه عند الساعه السابعه مساءاً كان يوم ثلاثاء على ما اذكر

ممسكه بكتاب اللغه العربيه احاول حل الواجبات المتراكمه علي

وإكمال مانقص من كراستي من دروس فائته لمدة شهر تقريبا

وامامي جميع كتب المواد الآخرى وكل ماده تحتاج مني يومين او اكثر

لإستكمال مافاتني وإكمال كراساتي (كشاكيلي) لكي استدرك نفسي واتلاحقها

لاني تأخرت عنهم شهر ولازم مايفوتني اكثر



كنت جالسه في حجره صغيره لها باب يخرج على الصاله في بيت جدتي لآمي

بما ان امي قاعده ترمم (الملحق) وفيه عمال يشتغلون وصبغ وازعاج

انتقلنا لـ هالحجره آربعتنا (آمي و اخي وانا واختي ) الى ان ينتهي الترميم



فرشت امامي كل كتبي ودفاتري وكل ما مسكت كتاب قلت لا ابدا بالثاني

لين جتني البكيه من كثر الزحمه والظغط شلون اقدر اخلص كل هذول بيوم واحد

وبعدين ابي اخلص بقعد مع عيال خالتي ابي العب من الصبح وانا منسدحه على الدفتر

تعبت

كل هالكلام جاب لي ضغط نفسي قعدت ابكي ابي اخلص دروسي وابي العب معاهم
وهم كل شوي جايين يحروني ويزعجوني

وامي طالعه مع اخوي لمحلات الآثاث ماااا حوووولي احد شسوووووووي




؟




كان هاليوم اول يوم دوام لي بعد فتره طويله كنت اعاني فيها من شي ولا اتذكر ماهو

ابدا لكن كانت حرارتي متسقره على اعلى درجه ولا اطيق الحركه ابدا واكره كل شي بارد

(بفراشي طول الوقت ) كمادات بارده رغم انزاعجي من برودتها لانها كانت تخيفني

حينما تلامس حرارة جسمي (آخخختلع منها)


الى اليوم هذا ماني عارفه شنو كانت هالحاله

حمى مزمنه شهر كامل ياله راحت


بما اني كنت في الإبتدائي والإبتدائي مو صعب

الناظره يوم شافتني تعبانه وامي قالت لها اني مريضه وما اقدر اداوم هالفتره قالت كله ولا بنيتنا الله يشافيها لاتخلينها تداوم وانا راح احاجي مدرساتها يساعدونها


جزاها الله خير والله يذكرها بالخير (إنسانه ماتتكرر)


جلست في البيت طول هالمده مريضه (وانا لامرضت كل اللي حولي يمرضون)

مو عدوى لا من حالتي اضعف حيييييييييييييل ما اكل ولا اشرب ابي انام وبس

حتى الدوا ما اشربه الا بعد تكفيخ وترفس


(عنييييده )


بقدرة قادر ردت حالتي طبيعيه ورديت للحياه من جديد

ثاني يوم داومت على طول مليت من قعدة البيت

وطافتني دروس واجد عساني اقدر الحقهم بالدروس


جيت هاليوم ومبسوطه اني داومت رغم ان اثار التعب لي الحين فيني

وامي ماخلتني اداوم الا بعد حنه (آبي اروح المدرسه زهقت من البيت )


(ليه اختي واخوي يروحون وانا لا )


كان الرد من امي (ياماما ياحبيبتي انتي مريضه تعبانه لازم تكملين فترة العلاج بعدين تداومين)

(حتى الناظره قالت لاتخلينها تداوم لين تطيب )


وانا استمريت بالحنه لين ودتني بعد دموع اربع اربع


لبست مريولي بفرح رغم ثقل الحمل الذي مازلت اشعر به كنت احس بأني كالريشه لا استطيع الحركه من التعب لدرجة اني استثقلت حركتي واستصعبتها


رتبت جدولي بسرعه واخذت جنطتي الثقيله ورحت للسياره مع امي

وصلنا المدرسه نزلت ورحت سيده لصفي 2\2 دخلت الصف والإبتسامه من اذني اليمين
لي اذني اليسار (ماصدقت )

البنات منصدمين

فلانه فلانه بنات شوفوا فلانه يت كاهي فلانه <--كنت مع الحظر قبل

بعد الإستقبال الحافل من زميلات الفصل والمملوء بالدهشه وان اللي مندهشه ليه هم مدهوشين


وحده من الزميلات تسألني حليتي واجب العربي





مدري جنون الحب ولا شجاعه

شرد عليها هذي شقول شو هالتناحه شدراني بواجب العربي انا غايبه شهر وتوني اداوم
منين ادري


قلت لا وانا شدراني بواجب العربي توني مداومه


قالت ياووييييييلج من ابله بدريه متحلفه فينا تبي تصلح الدفاتر اليوم
وقالت ياويلها اللي اشوفها مو حاله الواجب


قلت بس انا غايبه وما اعرف انتوا بأي درس اصلا ولا راح اعرف احله وانا موعارفه الدرس


يقطع كلامنا دخلتها وهدوء البنات المفاجئ


دخول برفعة خشم وحجان معقوده


يالله صباح خير شكلها ناويه علينا صدق



بدا قلبي يدق سلمت وقعدت وقعدنا ونادت تجيك ع الآسامي لين وصلت لإسمي

بإبتسامة بزر مختلع جاوبتها نعم آبله


التفتت وينها فلانه

<--عبالها وحده غيري تستعبط عليها وقالت نعم يوم نادتني

اشروا علي البنات قالوا (كاهي ابله)


بديت ابلع ريقي يوم طالعتني قالت (ها ييتي)


<--تبتسم بمعنى شرايش انتي


قامت تفر ع الواجبات انا قمت اتنافض وكني اقول يارب تضرب حرارتي بالعالي ويغمى علي قبل لاتوصل لي


كانت عصبيه وشينة اخلاق نفسها بخشمها ليه مدري


قرب دوري قرب اسمي يمممممممه ابي ابكي وماسكه نفسي مدري ليه حاسه انها ماراح تعديها على خير مع انها تدري اني اليوم اول يوم اداوم فيه


قالت فلانه قلت نعم


كشكولج


<--مديت لها الكشكول ابو الميتين صفحه


قامت تتصفح اوراقه بسرعه بسرعه



اسألتني وين الواجب


قلت لها ما اعرف شنو الواجب انا كنت غايبه



قالت واذا غايبه ليش مو حاله الواجب واخر درس قبل شهر شنو هالإهمال هذا


صفر ومره ثانيه لما اقول واجب تحلينه قومي وقفي ويلا هذا كشكولج الفاضي


ماوعيت الا بزاوية الكشكول هافه راسي جنب عيني اليسار وطاح ع الآرض وتبعثرت اوراقه


لايخيفكم شعور الإنكسار والعبره اللي تاصل الحلق وتحير

ماقدرت اتكلم ولا اقول ولا حرف قعدت ابكي وانا ساكته ومن داخل اتوعدها واهدد


هين هين انا اعلمها والله لا اعلم ابوي


كنت ابكي ومابي اتابع الدرس معاها ولا ابي اسمع صوتها ولا ابي عيني تجي في عينها

مدنقه راسي واطالع الآرض وطاولتي وكشكولي


القروب اللي انا قاعده فيه ,فيه ثنتين يحاولون يهدوني شافتهم زفتهم خلوها تبجي شتبون فيها

اللي بسمع صوتها فيكم بطلعها برا


قلت حق وحده منهم قولي لها ابي اروح للاخصائيه

يوم قالت لها قالت خير شعندج شتبين بالإخصائيه بتروحين تشكين لها

قلت لها وانا عيني على الآرض لا بس تعبانه بروح البيت

قالت انثبري مكانج ولا يطلع لج حس وباجر خلي ولي امرج يجيني


(خذوهم بالصوت لايغلبونكم ) تبي تقلبها علي يعني ضربني وبكى وسبقني واشتكى


كرهتها اول انسانه اكرهها هي واول مره بحياتي اعرف الكره شنو يعني


هاليوم قلب علي نكد بنكد وكتمت كملت لآخر حصه ورحت البيت

امي يوم جات تاخذني سألتني ها شلونش تحسين انش احسن

مارديت عليها مخنوقه وين احسن انتي لو تدرين شصار بس


ردت كلمتني شفيش ليه ساكته من مزعلش احد قايل لش


هاه


لا ما فيني شي تعبانه بس



قالت شلون مافيش شي شكلش مالش خلق ويالله تتكلمين احد من البنات قايل لش شي



تجمعت دموع الدنيا كلها بعيني وكأني كنت سد وسال منه سيل عرم

بكيت وحذفت نفسي بحضنها وقلت اللي صار بالتفصيل الممل


قلت ابي اقول حق ابوي انا ماكنت ابي اقول لش مابيش تجين تكلمينها هذي نفسها خايسه

ومابي تسمعين منها كلمه يمكن تضايقش لاني والله اذبحها اذا تجرأت عليش وغلطت


امي يوم شافتني اقول هالكلام قامت تبكي استغربت انا شفهمني شنو يعني التجريح وانا البزر اللي توني ماكملت سبع سنين

وتضمني على صدرها جعلني ما اخلا منها قالت لي لاتخافين محد يقدر يقول لي شي يزعلني انا انسانه كبيره واعرف اتعامل مع الناس


التفاصيل الآخرى لا اتذكرها جيدا لكن عشت وكليت غيرها

لكن هي كانت الآسوأ وجاها اللي يحطها عند حدها


امي من صوب وكلامها مع الناظره

وابوي من صوب ثاني و العصبيه اللي شفتها منه وانا اعلمه خلتني انسى هي شسوت اصلا من كثر فرحتي بكلام ابوي وقال انا اعلمش فيها ماعاد الا ذي تضرب (....) اسم الدلع


عقب اللي صار اختفت من المدرسه مدري وين راحت

[طبــ ع ــي كــذآ.. }~]

مآبين صدري و آلمقابر .. علآقات
...............بالإسم , والمعنىَ , و دفن الضحيّه !
الفرق بـ إن المقبرَه تدفن أموآت
...............و أنا دفنت أشيآء بـالصدر حيّه !