°¸.•°× ودّي أنسى بّك ردى الحظ .. وعجاجه ×°¸.•°

[موكب]

.

مال الكرّى ... غصن ٍ على سدرة النوح=لو تطفي يدّين الليالي .. لهبها

.

وإللي نزف من ناظره ياس وإجروح .؟؟=وقّف على ماضي السنين وندبها

.

والقلب ... لو تسّتر خوافيه .. مفضوح=بــ / دموع تنطـّق .. للديار وعربها

.

يا صاحبي ... لو قلت لك ما أنت مسموح=عندك .. تساوى دقهّا مع صعبها

.

إرحل ... وخّل إللي من الحب مجروح=يرقـبّ .. مداهيم السنين .. وتعبها

.

[موكب]

.

أقول مرّحب .. ثم تجاوب بـــ / كحـّه=يعني تكابر ... كنّ ما شفت مخلوق .!!

.،.

وأقول صحّه ... على القلب صحّه=أمشّي أغلاطك ... وأبادلك بالذوق

.،.

وتقول عفواً ... ما عرفتك ؟؟ فــــ / بحّه .!!=وأنا أدري إن ما بـّح صوتك ... سوى الشوق

.

[موكب]

.

.

المهرّه إللي تطوّع كل راس ٍ عنيد=يا بختني في معانقها ... ويا بختها

.،.

بس البلا ... والمصيبه لا إستجّد الجديد=لا من تعلقّت فيها .... وإعشقّتك إختها

.

[موكب]

.

سلّم على قلبك ... وسلّم على وعـودك=إللي غدا وسطها .. جـّو الغـلا معكّـر

.،.

عطيتك أكثر من إللي شفتـه بجـودك=يا باشة الغيد .. مدري وش بـه تفكّـر

.،.

العام ... يغري خفوقي نسنسّـة نـودك=واليوم ... وسّم الجفا يا حضرتـك بكّـر

.،.

ضامي غرامك ... وأنا واقف على حدودك=مافيه داعي ... على رشـّف الغلا أذكّـر

.،.

مع السلامه ... وسلمّلي علـى عـودك=لا تنزعّج ... لا لقيـت ( الهاتـف مسكّـر )

.

[موكب]

.

تعلّم من المنطّق ... إذا إسترّسل بـــ / يحكي=لكن كيف تتعّلم .. إذا المشكله .. ( ذاتك ) ؟

.،.

صريحٍ معك ... يا صاح ( لا تقفي .. وتشكي )=بتزعل ؟؟ .. عسى تزعل لكن هذي ( سواتك )

.،.

من المضُحك المُبكي ... بأن تضحك وتبكي=على شي مايسوى ... ( دموعك وضحكاتك )

.

[موكب]

.

( وحيـّـد ) .. لا صاحـب ولا خـّل .. وعيـوني سارحـه=أستـرّجع إللي راح .. وأقـول / العمـّـر فات

.،.

ما قد شعـّرت بطعـّم هذا الحـّزن ... كـّثر البارحه=ساعة عرفت .. إن ( أجمـّل الأشيا ) .. صارت ذكريات

ذكريات


ذكريات



.

[موكب]

.

قال الأيام عدّله ... قلت الأيـام عـّوج=قال في حـال ... قلـت بــ / كـّل حالاتهـا

..

دام باب الدخول .. بجنـّب بـاب الخـروج=وين مبدا العدالـه .. ويـن لذاتهـا

..

خـّذ صحيح الكلام .. وخـّل عنـك الهـروج=ما دخلـت القلـوب .. وشفّـت علاتـهـا

..

كل من شفت حولك .. لـو تعـّلا البـروج=خايـف مـن عنـا الدنيـا .. ولوعاتهـا

..

لـو تمّتـع بمالـه .. وإمتـلاك الفجـوج=ما يخفـّف عـنـاه بـــ / كـثـر سجاتـهـا

..

جـِسّ نبض الزمان .. يبيّـن حـزنٍ يلـوج=في قلـوب إتشـوف الجـرح بسكاتهـا

..

مثل مركب إمسافر .. بيـن مـوج ومـوج=رحلةٍ ... ما عشقهـا حـّب فـي ذاتهـا

..

جات دون إختيـار ... وقـام معهـا يـدوج=تحـت رحمـة نوايـاهـا وغاياتـهـا

..

صاحبي .... خــّل عمري للسؤال اللجـوج=وأنت .... ( خلّك مع أيامك .. وضحكاتها )

.

[موكب]

.

لي خفوقٍ على وجه البسيطـه رهيـف=ما طـواه البـرود ... ولا مـلاه الجفـا

.،.

ما سكّن في ضلوعه .. غير قصـدٍ شريـف=وإن حصل ما حصل من طيب خاطر .. عفا

.،.

شاعرٍ يعسـف الجزلـه بـوزنٍ خفيـف=لا نثرهـا جمعهـا .. وإن كتبهـا وفــا

.،.

له على العاديات الشرّد .. فكّر ومضيـف=يروي الفكر .. ويصّـب المشاعـر دفـا

.،.

حـّث رجله .. على درب الغـرام العفيـف=لين بيّـح كنينـه ... وإنتثـر مـا خفـا

.،.

ضاميٍ للوصل ... يرقّب وميـّض الرفيـف=يـوم سلّـم مطرهـا للغديـر .. ولـفـا

.،.

بإعترافه .. نبّت للشـوق دلـّه وكيـف=في دجا الليل ... طرفـه غـارقٍ مـا غفـا

.،.

يا غزالٍ ثنـى قلبـي ... و لا لـه وصيـف=زان بدّع المثايـل يـوم جـوّك صفـا

.،.

فالحشا ما أنوجّد غيرك .. قريب ووليـف=وأنت طــّب الحنايـا .. والهنـا والشفـا

.،.

من عميق المشاعر ... والخفـوق النظيـف=جالك الشوق .... جامع من غرامـك وفـا

.

[موكب]

.

ظلم الطريق .. ومعمعـة حرّاسـك=وأنفاس صدرك ... والخريف الأتـي

.،.

عطنى شجاعه ... وأقتحّم أنفاسـك=خذني مسافه ... وأختصر مشهاتـي

.،.

إخترت أسوّر بأضلعي إحساسك=وأجنيك صرخه .. من ربيع إسكاتي

.،.

ما مات بردي ... والعشم في فاسـك=والليل موحش ... وإسمعه في ذاتـي

.،.

أشربك ... مدري أنسّكب في كاسك=أسكبّك ... مدري أعتّذر لـــ / شفاتـي

.،.

أن قلت أموتك ... حاسبوني ناسك=وإن جيت أبحيّا .. ما لقيت أمواتـي

.،.

الموت صحوّه ... لا غشاك إنعاسـك=في عين حيٍ كاتبك فـــ / وصاتـي

.،.

شبّيت ضعفي ... وإحتّرق في باسك=وأزريّت أجابه سارقيـن رفاتـي

.،.

الحب مارد ... في زجاجـة ياسـك=لا جيت أبفـّرك ... ما قـوت نياتـي

.،.

محتاج أطفّـي بالبكـا نبراسـك=لا صار نورك حالك لـــ / ظلماتي

.،.

والحين شفني ... ميّت فـــ / قرطاسك=والحرف قبري .... والمسـا زفراتـي

.

[موكب]

.

قلّي وش إللـي يحّـدك .. والغيـاب يهبّـا=وأنا عطيتك زياده .. فـوق شـي ٍ تبـي .!!

.،.

لا ترخص إللي يحّس .. إن المفـارق غبّـا .!!=ولا تشتري راحتك ... على حساب إتعبي .!!

.