أنا على خبرك كما ريحة العود /اذا احترق بالنار يزداد طيبه

[عبرة وداع]

البرق لعيون المولع مناديب
والبيد لأقدام الخلاوي ركايب



وأرواحنا لهموم بقعاء معازيب
ومعزب الأرواح قبر ونصايب



سبحان من يخفي عن العالم الغيب
وخلّ الوعد مع نازع الروح غايب



كلن يسوق الرجل ويروح ويجيب
أحدن يجيب بسلم واحدن نهايب



أحدن يجيب الفود والعز والطيب
واحدن يذله كل ماكان جايب



ومن لاستر وجهه عن الذل والعيب
ماعاد يلقى لذل وجهه طبايب



ومن لاحمى وجهه قبل طلعة الشيب
محدن يعوضه وجه لاصار شايب



ولاصار ذكرك فوق روس المراقيب
خلك على دربك ترى الدرب صايب



اتصير في عيون النشاما كما الذيب
وفعيون عدوانك عطيب الضرايب



موت الفتى بالمرهفات المحاديب
أخيـيـر من حين مع الناس خايب



موتن تباكاله عيون الأجانيب
ولاعيشتن تدعي عليها القرايب



واللي نـفـوسن ماتروم المواجيب
واللي يدينن ماتسد النوايب



عذر الردي ماكل من يجهد مصيب
عود الحماطه كاسرتها الهبايب



مايخلف الهقوه اطوال الأشانيب
صحيح من قال المراجل وهايب



يربى على الشاهوب عكف المخاليب
والا الوطى يرباه بوم الخرايب



من راقب العالم يشوف التعاجيب
ومن طاول الدنيا يشوف الغرايب



غير النبي محدن بليا عذاريب
وكلن على الثاني سيوله جذايب



ما كامل إلا وجه جزل التواهيب
ولا رابح إلا اللي من الذنب تايب



كلن ذنوبه تغرق الكم و الجيب
وكلن عليه امن الليالي مصايب



ليه الحسد والغل والشك والريب
وليه القطيعة واندلاع الحرايب



يولد الأحقاد شذب العراقيب
والحقد سمن فالمعاليق ذايب



شرارتن من ملحقين المشاهيب
من ناشته خلت ضلوعه حطايب



يومون بالأمواس مثل القصاصيب
ذنبن يوقف منه قطر السحايب



لعل من يفرح بشيل المشاعيب
ويصير في فرقى الرفاقه سبايب



تقطع عراويه من الرزق والصيب
ويموت ماتنظر عيونه حبايب



وتصفى النفوس ويركدن المشاريب
لا به ذنب عقرب ولا به نشايب



هذا بعض ما علمتني التجاريب
اللي من الأيام جتني جلايب



لا كامل إلا وجه اللي يعلم الغيب
ولارابح إلا اللي عن الذنب تايب

[عبرة وداع]

من لا يحسـب لليـال المقابيـل
تحملـه دنيـاه مـا لا يطيـقـه


ومن صدق الاخبار في كل تفصيل
يضيع ما بين الوهـم والحقيقـه


والحق سيفه لا صطا عدّل الميل
والفعل شاهد والمواقـف وثيقـه


والصدق يلقى في طريقه تساهيل
ما فيه حاجه تعترض في طريقه


والكذب مهما كبرتـه الدهاويـل
عزمه ضعيف وكل عارض يعيقه


والناس فيها فرق بالحال والحيل
والفرق حتى بالشقيق وشقيقـه


وللطيب بصدور النشاما مداهيـل
مثل الدرر جوف البحور العميقه

[عبرة وداع]

من غلبي اكتب بين صفحاتي اشعار
مضمونهـا ظلـمٍ وحـزن وكآبـه


صبرت لين الصبر ولّد بي النـار
سكت لين القلب همّـه غـدى بـه


وجيت بعزيمة جامحه كلّها اصرار
فيني ثقـه فينـي ركـود ورحابـه


اسوق شعري مثل قطرات الامطار
اقفي سحابه ثمّـن ارجـع سحابـه


بكتب رساله للـذي يطعـن العـار
يآصله علمي لجل يرجـع صوابـه


آنا عريبة جد من نسـل الاحـرار
ابوي شيخٍ مـا قفـل يـوم بابـه


ماهمّني الجاهل ولو صار ما صار
ولا همّنـي قولـه ولا حـدّ نابـه


ان كان حبره غير عن كلّ الاحبار
حبري عفافي يوم ربي حمـى بـه


هو يحسبنّي ماشيه درب الاخطـار
أو يحسبنّـي معجبـه فـي جنابـه


لا والله الاّ خاب ظنّـه والاعـذار
يموت في غيّه ودربٍ مشـى بـه


ان كان طيبي صار له ظلّ وستار
والله لابطّل طيب واشعـل حطابـه


اكبر عيوبي طيبتي بين الاشـرار
امشي على النيّه واعدّي الخطا بـه

[عبرة وداع]

ياعين تستاهليـن الحـب والسلهمـه
وانتي تحت حاجب ناعس وحولك هدب


تذبح بليا غـرام رموشـك المغرمـه
ولها رماحن من الفضه وشلفا ذهـب


ياسود قبل الليـال السـود يامفعمـه
بالبرد والنار واخبار الشتاء والحطـب


فيك الصهيل وجموح الخيل والهمهمه
ومصارع الروم وحروب العجم والعرب


سوالفـك صدقهـا كـذاب ومتيـمـه
من طاري الحب واسكاتك كلام وعتب


عطفك ولينك لعـل الارض ماتعدمـه
ماغرهد الناي والقمري وعود القصب


والحب في موهجتي حرقين من ميسمه
مالي ومال الهوى واهل الهوى والتعب

[عبرة وداع]

أنتظرتك ليه طولت الغياب
وانت لامن غبت لحظات افقدك




تدري ان الصبر في بعدك عذاب
وتدري انك في عيوني وافقدك!

[عبرة وداع]

يااللي عليــــك ـالبعــــد مااعـــــاد ينطااق
........وحبـــــك بقلـــــبي بين لآظــــــلآع شــاابك



يااامـــــاا تحريتـك لياا وقت ــالأشــرااق
........وياامـــاا كـتمت ـالهم لحظــه غياابك



يمـــر ليــــلي واقــــف ٍ لك على ســـــــااق
........أرقــــب حضــوورك وـالخفوق أنـتهاابك



داايم عليـــك ـالروح وـالقلب مششتاق
........يفــــز لك وأن شـــااف حضـرت جناابك



أتبـــــع خطآك وبهجـت ـالقلـب تنسسااق
........تـــرووي خفـــــوق ٍ فاالمحبـــــــه غدااابك

[عبرة وداع]

في داخلي انسان مايكره الصيت
ولكن يموت بعزته واحترامـه


لاتسالني ليه اجنبت وليه اقفيت
لي عزة تسوى الف هامــة


ابعتذر مدري يمكن انا اخطيت
لاجلك يهون الصعب الا الكرامة

[عبرة وداع]

[عبرة وداع]

[عبرة وداع]