ČẳŁěňąя ĻŭςҜ - الصفحة 16

here Lucky boy · #**151** 25-07-2011, 07:12 AM

الشووق

يرتبط بالغياب

ورغم انك لاتغيب عن مخيلتي

اجدني دائما مشتاق اليك

اشتاق اليك فعلمني الا اشتاق

here Lucky boy · #**152** 28-07-2011, 04:56 AM

صباح يضاهي جمال

لمساتنا المسروقه

here Lucky boy · #**153** 28-07-2011, 08:08 AM

اقتحام العقول المستعاره يحتاج عقل خالي من الاستعاره

حتى تجد نفسك تكتب مايوَد الاخرين كتابته

..

سيدي الفاضل لا تنظر الي بصفتي المنقذ او الواعظ

لاني بالطبع اضعف من ذلك بكثير .. وسأستغل الفرصه احسن استغلال

..

here Lucky boy · #**154** 28-07-2011, 11:45 PM

السماء تطير والشمس تمشي على اصابعها

سؤال كم عدد اصابع الشمس ..!؟

مقدمه فاشله ماعليكم اعفسو الورقه وتحت الكرسي احذفوها

لين تجي الخدامه تنضف الاوراق تحت الكرسي ( العرض مايشمل ذباحه سافرت خدامتهم )

طبعا حديثي الان ماراح يكوون ذو شجن لاسباب عده

اهمها على الاطلاق انا على عشاي البارحه ويوم جينا نطلب عشا

قلت: للي يطلب انا ميت من الحب عفوا من الجووع اطلب لي صمونتين

قال : الا بطلب لك وجبه عن ثلاث المهم اسمها تربل او دربل

كليتها قبل نص ساعه تقريبا وقبلها كنت ميت تقريبا لان كل شي فيني طافي

ولاني كسول جدا جدا فعمليه التهضيم عندي ماتعتمد على المشي

ولكن على الكتابه وتحريك العقل

وبحكم ان هذي مدونتي الخاصه .. لي الحق في كتابت ما أشاء

ولك الحق في وصفي كما تشاء لكن في قلبك طبعا

وان كنت اتمنى ان يكون الوصف من سخيف ومافوق حتى تخف وطأ ما اهذري به

عالم ادم عالم غريب << بدايه موفقه للهلوسه الفكريه

يعود عصر سيدنا وابونا ادم لالف السنين

طيب احد سال نفسه عوال ادم غير قابيل وهابيل منهم ..!؟

يعني الواحد لازم يجيب مصيبه عشان الناس تعرف اسمه

طيب بنات ادم عماتكم طبعا منهم ..!؟

طيب اللي كانت تطبخ لهم منهي ولا دوريه كل يوم على وحده

ياكثر ماقول كلمه طيب طيب بس تدروون احس انها احسن من كلمه المهم المهم

المهم تحسسك بالجديه وفوق ذلك مستهلكه كل مايأخذون لقاء مع واحد من الشارع

يسألونه عن اي قضيه تلقاه كل كلمتين يقول المهم المهم

ناهيك عن كلمه الصراحه الصراحه

اللي يقول الصراحه كل شوي تحس انك كذووب يومه بزر ودائم امه تقووله قل الصراحه

ولبقت معه الكلمه

طيب وش دخل اللي قلته قبل شوي في الموضوع

انا اقولك ولاتهز راسك معي لان الاجابه ماراح تكون وافيه وشافيه

طراه شافيه اسم شافي عندنا واجد يالعجمان ليه ماعندنا شافيه

ابشركم الله جاب لي سالفه وموضووع عقب ماكتبت اللي فوق كله

لذلك راح احتم عليكم تقروونه قبل ادخل في موضووعي

يغثني اللي يدخل علي مسن يبي يسالك سؤال

ويحط له مقدمات سلام ومواجر قبلها ساعه

مايدري ان حنى في النت نتهرب من الواقع وبياخته وتقاليده الباليه

شفيها لما تكتب سؤالك على طول

على الاقل حتى لو خويك مشغول ماراح يلعنك في قلبه

هذي نقطه لان نقاط الموضووع واجد يعني اعتبروها دربل

الاول عنده سؤال يتعلق في النت شي برى المهم ممكن يكون له اهميه

الغثيث الاخر اللي يقوولك ياولد ابي بيت شعر عن الفراق ولا الحزن ولا الحب

وهو لو يكتب في قوقل ابيات شعر طلعت له الدنيا كله

لا لا ليه يروح قوقل يدخل اركان المنتدى

ولان السوالف تجيب السوالف

طراه اركانكم وش هالمأساويه الي يعيشونها العالم

كلها حزن وغم وهم

ياجماعه حاولو تاخذون فاصل بين فتره وفتره

تحطون نكته بالنص ابيات فكاهيه

ترى اللي يحط نكت احسن انه يحبنا حيل لانه يهمه اسعادنا واضحاكنا

بعكس اللي كله مأساه تحس انه يبي يعذبك معاه

here Lucky boy · #**155** 28-07-2011, 11:56 PM

فصله

ليه الوحده لاقالت لوحده ثانيه رحت للمكان الفلاني في الديره الفلانيه
وهي جايته قبل تقول اي جيته مافيه شي زين كله مخنز ( العن ام التحبيط )

ليه الوحده دائم تحط فوق ثلاجتها مطاره صحه فيها مره ( مشروع عياده شعبيه )

كم وحده امها تبيكها لاسيرو على العرب تحط عليها ولاركبت السياره قامت تبكي

( تصير كانها خدامه عقب ماتقرأ رساله من اهلها )

ليه الوحده ماعاد تحط حنى و تربطه في باقات خبز ( الله يعز النقشات )

ليه الوحده لاراحت المدرسه تشوف ولدها ولا بنتها ترجع مخزنه رقم وحده من المدرسات ( وحاسدينهم على الزياده )

ليه الوحده اذا راحت للدوام تاخذ صور بزرانها ورجلها معها ( بتدخلهم مسابقه )

ليه الوحده اذا ولدها سحت تقول يشبهه ابيه واذا مزيون تقول ماخلا مني شي

ليه الوحده اذا مالقت شي تلبسه في مناسبه تقول انا مريضه

ليه الوحده تنقهر لاشافت احد لابس شي مثل الي عليها

تهضيم تهضيم

here Lucky boy · #**156** 29-07-2011, 12:03 AM

فصله

ليه الواحد يدوج في السوق اربع ساعات يغازل واذا وده اهله نص ساعه ويقول تجيني قرفه لا ابطيت في السووق

ليه الواحد يشتري كماليات للسياره بقيمه غاليه ولاجات تشتري المره اكسسوارات غاليه قال بقيط نسوان

ليه الواحد لالحين يكذب لاساله احد وين تدخل في النت ويقول ما ادخل منتديات بس اقرا قصائد وجرائد

ليه الواحد لاجاء يسافر للمغرب يقول بروح لعرس في الرياض ولابروح اجيب مع خويي موتر من دبي

here Lucky boy · #**157** 29-07-2011, 02:30 AM

شكرا جزيلا

وناسه لما تطلب شي والناس تتفهم مطالبك وتنفذها

here Lucky boy · #**158** 29-07-2011, 03:51 AM

المكان الدوانيه

الساعه ثلاث ضبط
يعني بينا وبين الحرج مثل مابين الشايب والايفون

المزاج متقلب الا معتدل نوعا ما.. المشاعر من ثلاثه قدم الى اربعه قدم

سرغه القلب من 20 الى 30 ذكرى في الساعه

ننصح اخوانا المحبين بتوخي الحذر

......

قبل الممات تاتي سكرات المووت ومعك عشت سكرات الحياه

ساخبرك ياحبيبي ماذا علمني الحب

لذلك كن مستمع جيد

انت من ايقظني من الحب وعالمه الملئ بالاحلام والاوهام

كنت كل صباح اختارك وحدك من بين نساء العالم

عندما تجلس امامي وتذوَب السكر في القهوه اشعر انني اذوب مع حبات السكر

كنت إزور لنفسي رسائل غرام منك حتى لاينتقص حبك

علمتني إن الحب لايدعك تسير وحدك بل يجعلك تحمل شخص اخر معك في جسدك

انت من علمني كيف للبكاء ان يبكي وكيف للحزن ان يحزن

انت من كنت اقول له وداعاَ يا ( أنا )

والان

اتمنى ان انزفك من قلبي

ابحث يائسا في قلبي عن موقع النسيان وأين يتواجد
ومع من يمكث في القلب وبكل أسف لا أجده

اقام الصلاه

here Lucky boy · #**159** 29-07-2011, 04:23 AM

جماليه يوم الخميس تكتمل

بأنك تعلم إنه لن يعكر صفوَك المنبه في اليوم التالي

لذلك يستريح عقلك ويترك لقلبك حريه الحركه والحديث

وقياده القلب تعني لي ان المشاعر سوف تحلق كالفراشات

here Lucky boy · #**160** 29-07-2011, 04:47 AM

رمضان على الابواب

خلووني افتح الافاق شوي مع عبق الماضي

لابناء جيلي طبعا الحديث

تذكرون حميدو شامل تذكرون بيل وسبستيان

اللي قاهرني قبل اي رسووم متحركه كل شخص يختار له شخصيه

انا مختارين لي بيل للي مالحق عليه بيل الكلب اللي مع سبستيان

بس ترى كان ابيض الكلب ونظيف وكان يشل سبستيان على ظهره

القصه طبعا سبستيان يدور اهله من اول حلقه هو والكلب لاخر حلقه

وكل يوم يضيفوون لهم عرب وتصير لهم مواقف

يعني تقدرون تعتبرونها مثل فلكلور سوالف العجايز والقصه المأثوره

يا أهل الضو انتو اهلنا ولا لا

طبعا بومبو السياره الصفراء هذي لو لحقت عن سونج بوب ابو وجهه مربع الاصفر

كان ما يأكل عيش معهاا بس وقتها مابعد طاحت الشركات في التسويق اللي حاصل الان

طبعا قصه بومبو مثل بيل وسبستيان

ضايع ويدور اهله بس الفرق ذاك معه كلب وذا معه سياره

طبعا كان عبدالرحمن العقل وخالد العبيد مثل كمال الشناوي واحمد مظهر

واحد طول عمره بدور البطل والثاني بدور الشرير

وكل سنه يتكرر المسلسل مع تغيير الاسماء واختلاف عدد الاسره

عبدالرحمن العقل الوالي اللي يسحرونه او يخطفوونه

وزهره الخرجي كانت سلاف فواخرجى هاك الوقت

وطبعا معبوده الجماهير هدى حسين اللي يتزوجها الوالي اخر المسلسل

للاسف ذاكرتني ماتخدمني بذكر اسماء المسلسلات بس المهم انها كانت تحتوي نفس القصص ونفس الممثلين ونفس حزه العرض عقب الفطور مباشره وقبل صلاه العشاء

غراندايزر ودي اسرد له موضووع كامل واحطه في القسم السياسي بعد

لان شخصيات الابطال فيه واجد لدرجه وزعنا الشخصيات على البيت كامل

وعطينا ولد قصرانا بعد منه شخصيه

لانه ولد قصرانا عطيناه اب البنت اللي يحبها دوفليد

الشايب اللي كل يوم يحرقون مزرعته