للتواصل ........

[قناااص]

بسم الله الرحمن الرحيم

السلام عليكم ورحمة الله وبركاته


اتمنى ان تنال اعجابكم وتحوز على رضاكم
\
\
\
\


يابيات هبي قبل لا يظهر النور
على ديار الخل وصل سلامي

وصل سلامي لو على دارها سور
ابيات شعري ما تهاب الزحامي

ماجور ياللي مالك القلب ماجور
وشلون حالك ياعظيم المقامي

اي والله احبك وانا بحبي مجبور
زينك طغى فيني وزينك سامي

من يوم شفتك بالحكي صرت انا اخور
مره يجي صافي ومره عتامي

وش حيلت الي صار بالحب مخبور
وذاق المراره بين شرقن وشامي

الحب عندي مابه اسلوب محظور
اسلوب حرن بالسما دوم حامي

بأول هداده لنثر ريش مخطور
يسايره فكسار حسب النظامي

وليا كفخ حتى العذاره لها احضور
من لابسات اعبي حتى اللثامي

مشيت في درب الهوى وصرت مخبور
قزيت دربه لين يبست عظامي

يالي على مغليك دايم بمكبور
الكبر لله واحدن له مقامي

حنى عباده بالدعاء دايم انبور
بالخير جعل المسك مسك الختامي


سلامتكم ورضاكم .........................