مختاره

[فلاح ال مخلص]

شاقني معناك والذمه مـن الذمـه بريـه=كل ماراحت مطمه جات بقعـى بالمطمـه
انت تسبح في بحور الشعر والنيه مطيـه=تجذب المخلوق من قمه وترقى بـه لقمـه
ليه يالنفس الفقيره ليـه يالنفـس الغنيـه=ماتخدمين الفقير اللي زهابه تحـت كمـه
رحتي بعيد الفطر والذبح في عيد الضحيه=من عرف قيس الملوح يمدحه والا يذمـه
ليه ياقيس الملـوح ماتركـت العامريـه=وانت تجري في وريد ويشرب الولهان دمه
مثل مانشرب قراح ودون نبع العـد طيـه=كل ماقلنا صفت شفنا المنايـا دون جمـه
الله يرحم شايب ورث معانـي الابجديـه=مايعرف من البحور الا الصعاطير ومعمه
القنـازع ورثوهـا والحميـا والحمـيـه=والركاب اللي تساق وكل ريق فيـه سمـه
ماخذيناها بطوع وحسنـة المثبـور سيـه=والردي ماننشد العراف من خالـه وعمـه
خابرين العود له ميقـاف والدنيـا مديـه=بارك الله فيك ياللي عاد لك قلـب وذمـه
يازعيم ورث السيف الحدب والحضرميـه=كلمه الجاهل تزل وكلمة العـارف تهمـه