( ياحرق كبدي عليك ) , ( ويا بري حـالــي ) !

[[ عسّاف خيل ]]

,




عمتم مساءآ

لـ التواصل /

مدخل :-

لو لـ / الهوى ( قاضي ) ؟ .. فـ / انا مظلوم حق ولي حقوق !
طعنه حبيبن .. بـ / ( الصدـر ) ! باموت ما شليتها ,

غابت ( فوانيس الهوى ) ! .. وانا أتحرى لـ / الشروق !
على اماني .. ( علّها , ياجعلها , يا ليتهـآ ) ,

وش يجني الأنسان من حبّه ؟ سوى ( مشوآر عـوق ) !
جروح .. تحيا بـه / ولا يقدر على تمويتهـا ,

النص /







الجادل إلي محاسنها .. تذوب إلها الكـبـود !
............... عاهدتني لأنسى لياليها , ولا وفّيتها !



ولانيب من قوم / الكلام الكذب , مخلّفه العهود !
............... ولا أذكر أني : برّت بـ وعودي ؟ ولا تميتّها !!



حاولت أبعدها عن أفكـاري ؟ .. ولكن دون فود
............... وش هـي القصايد ؟؟ كان ما لـ أغلى البشر غنيتهـا !



وشلون أبنسى ؟ والفراق الشين ( جنّد لي , جنود ) !
............... وجروح ذكراها , تبي تـبـطـي !! ولا داويــتـــهـــآ ,



يطول ليلي .. والقصيد يفيض ! .. وهمومي تجود !!
............... وكم ليلةٍ , من عقب فرقاها مضت / ولا أمسيتها



فـ إليا أشتغل مشروعها بـ الصدر ؟ والعالم رقود !
............... حنّيت لـ أيام ( عدّتني ) .. ولا عدّيتهـا



ايام كانت ( ماتطيق البعد ) , وتخاف الصدود !
............... وعلى " عظيم الحبْ " .. صافتني وانا صافيتها ,



أدري ان عليها ( كلام الخبل / وعيون الحسود ) !
............... وعن باقي العذال .. وسط الحشا .. ( آويتهـا )



أيام " راااااحت " ليتها بـ الحب , والفرحه تعود !
............... لكن ؟ .. ما كل الأماني / تتم بـ لـيـتـهـا ..!



( الموت ) ماهوب من طول فرقاها .. " معطّشت الكبود " !
............... الموت :- لا جاها الممّلك , والعريس فـ / بيتها !

المخرج :-

ياكبر صدمه عيوني !! وياكثر الذهايب
وياكبر حجم الخساره !! ويا كثر إنشغالي ,

أنشهد ان : فوايد العالم ! لـ عالم ( مصايب ) ,
وااااااااه .. ياحر المدامع .. لاجات من فراق غالي !

كنّهم في وقتها !! علّقو فوقي ( نصايب ) !
أخفي ( الصدمه ) عن الناس .. وأضحك من هبالي

مادرو شلي بـ صدري ؟؟ من سموم اللهايب !
ومادريت أني ( معاهم ) , وأحسب اني لـ حالي ,

كيف أبنسى ( ضحكتك ) ؟ .. يوم : تلعب بالذوايب ؟
وكيف بنسى ( دمعتك ) .. يوم : تشتاق لـ وصالي !

كيف بنسى ( نظرتك ) .. يوم كان القلب , ذايب !
وكيف بنسى ( كشرتك ) , يوم : تشره لـ إنفعالي ؟

كيف أبنسى ! إني تعذّبت .. يومك : كنت غايب ؟
وكيف بنسى ! إني تهنيت ؟ يوم أنك : قـبـالـي !

كيف بقوى ( جروح فرقاك ) ؟ والفرقا عطايب !
وكيف بـستوعب ( وداعك ) ؟ .. وطيفك هو ظلالي !

صدق من قال : الزمن لو صفى ( كله عجايب ) ,
وااااه .. من قال : العوض خير ؟ .. لو طال انعزالي

من يعوضني ؟ عقب روحتك .. ( والقلب تايب ) !
والله ان ( مايسكنه غيرك ) ! وبيموت خــالي

ماتصوّر !! أنك لـ غيري ؟ ( تفّل الذوايب ) !
وماقدر أتخيل ؟ : في يوم انك .. ( تعاشر بدالي ) !

أدري ان قلبك .. على حسرتي وفرقاي راايب !
ولا انا ؟؟ .. يا حرق كبدي عليك ! ويابري حالي !

المدخل / حمد البريدي , النص : ثامر الشعيفان / المخرج : سعود بن مهدي ,