سقوط الأقنعه

[ملك الاحساس والمشاعر]

ماني بـ ناسي قصة وانا ازور القبور


ماني بـ ناسي قصةٍ صـارت وانـا ازورالقبـور
لازلـت افكـر فـي غرابتهـا وبالـي تشغلـه

ساعة ظهر لي شايبٍ له حول قرنيـن محجـور
في جوف قبرٍ عن هـل الدنيـا طـواه ويعزلـه


سلّم وجا صوبي يقول : ابنشـدك يلـي تـزور
عن حالة الدنيا وعن وضع الزمان وعـن هلـه

أنا مضى وقتي ومـرّت بـي طويـلات الدهـور
والباقـي بعمـري بعيشـه بينكـم واستكملـه


قلت : الزمان اللي يبارينا علـى خبـرك يـدور
الوقت نفسـه مـا تغيّـر ماشـيٍ فـي جدولـه

أما البشر , , , لا والله الاّ غير من حد الجـذور
صار انتقالٍ مـن يميـن الـى يسـار المنقلـه


استغرب الشايب من الي قلـت وبليّـا شعـور
حط اليمين اعلى الشمال وخاطـره فيـه اسئلـه

قال : افتني عن حالة الشيبان والشيـخ الوقـور
أهل الخبر والراي والحكمـه وضـرب الأمثلـه

القدوه اصحاب الأمور اللي تطـاع بكـل شـور
اللـي يفضّـون النـزاع ويحكمـون المشكلـه


قلت : البعض منهم على ما قلت في وصفك وقور
قدوه ولكن رايهـم مـا ينفـرض فـي مسألـه

الطاعه العميـا بقـا منهـا مجاملـة الحضـور
اللـي تلاقيهـا مـع اوّل فـرصـةٍ متنصّـلـه

والبعض لا عبـدٍ يخـاف الله ولا عبـدٍ شكـور
لا زهّـده شيبـه مـن الدنيـا ولا هـو جمّلـه

بهيمةٍ يرجـع علـى منحـاه الاوّل ومحصـور
فـي لعـب بيلوتـه وريـح زقارتـه ومعسّلـه

والبعض الآخر شابت رموشه على درب الفجـور
ينقـل جـوازه للسفـر مـن مزبلـه لا مزبلـه

أشيمطٍ زانـي قضـا عمـره بحانـات الخمـور
والعايلـه ورعٍ يغـرّر بـه وبـنـت مهمّـلـه


قال : افتني عن حالة الخفـرات ربّـات الخـدور
اللي تصـان بـبيـت عايلهـا و بابـه تقفلـه

شيهانةٍ تشمخ عفاف وتصقـل فـروخ الصقـور
بين الفريق بـبشتهـا الضافـي وتـوبٍ تسبلـه


قلت : العـذارى فـي زمنّـا ببغـاوات الطيـور
تقليد هرج و عرض ريـشٍ خلفهـا تستخملـه

تلبس عباةٍ ضيّقـت حـول الردايـف والخصـور
فضيحةٍ تكشف جسدها مـن علـوّه لـاسفلـه

وموضة شيالٍ تكشف الوجنات والـوان الشعـور
والمحـرم تبـدّل بـجـوالٍ بيـدهـا تحمـلـه

لا فوّحت صفر الدلال ولا عرفت غـش القـدور
تطبـخ لـهـا خـدّامـةٍ بالعايـلـه متوكـلـه

الأم ما صانت عفاف البنت من عمـر الزهـور
والأب ديّـوثٍ تحكـمـه حـرمـةٍ مسترجـلـه

وشلـون يتربّـى عيـال ام التبـرّج والسفـور
الاّ خنـازيـرٍ دمـاهـا بــارده ومغـفّـلـه


قال : افتني بحال الشباب الصلب صيّـاد النمـور
الفـارس اللـي ينطـح خصومـه بزنـدٍ يفتلـه

الوافي الشهم الغيور اللي لعرض الجـار سـور
البار عند امّـه وابـوه وعلـم ربعـه يشغلـه


قلت : الشباب بوقتنا وجهه مثـل بـدر البـدور
والجسم من زود الرخا ما تنفتـل فيـه عضلـه

قصّـة شعـورٍ صيّرتهـم لا إنـاث ولا ذكـور
والثـوب راح ولا بقـى الاّ عـالـمٍ متبنطـلـه

ناسٍ ( فلنتينو ) وناسٍ تلبـس ( كرستانديـور )
صار التنافـس بينهـم فـي لبسهـم والجنتلـه

من كان يشرب من قرار البير مشروبه ( بيور )
والبل راعيها غدا يشـرب حليـب ( النستلـه )

مامنهم اللي قام دون اعـراض جيرانـه غيـور
من قام قالو , , وشـملقّف حضرته ؟ وشـدخّله

والوالدين حقوقهم ضاعت وعنهـم فـي نفـور
ان غـاب عنهـم لا تذكرهـم ولا جـاه الولـه

بدّا عليهم شلّـةٍ تهـوى الوطـا بيـن الجحـور
لو تعزله عنهم تبـي لـه شـان كنّـك تقتلـه

ما راح يوم يشارك ربوعه بحـزن ولا سـرور
حتى ابن عمّه يعرفه بالوجـه واسمـه يجهلـه

بدّل حكاه وضيّـع سلومـه وحالـه فـي دبـور
وان شاف ضيف يخش حتى انّه يفـارق منزلـه


ناظر لي الشايب بعينٍ تجمـع السبـع البحـور
يقول : انا لا يمكـن ادخـل مجتمعكـم واقبلـه

انتو لكم وقتٍ تصـدّع مـن بلاويـه الصخـور
ما يقعد الجمّال به ساعـه ولـو ضـاع جملـه

[ملك الاحساس والمشاعر]

لاضـــــــاقت الاربـــع زوايــااا على البـــااال
ذكــــرت ربــــي مفـــرج الضيـــق كلـــه


يجبـــر كسيـــــــر الوقــــت في عثــــرة الحـــااال
وبتنفـــرج مـــاداام هـــرجـــي عــلى اللــــه

[ملك الاحساس والمشاعر]

ياللي اذا حل المسا .. قمت اسدلك
...........على شبابيك الجروح .... \ و سادني !!



احساسي انك داخل ضلوعي ..\ ملك
.........واني .. احبك ..واعشقِك.. من عادني !!



مااقسى من الدمعه على وجيه آهلِك
.........الا الحزن لا قلت :........ تكفى نااادني ..!

[ملك الاحساس والمشاعر]

لاتندم على من حبيته وخلاك ... اندم على من حبك وخليته

[ملك الاحساس والمشاعر]

طراة الرجل و ان لحقه من الزمان الهموم
مـــايــــدري بـــســــده كـــــــود خـــيــــرة بـــنــــي عـــمُــــه

[ملك الاحساس والمشاعر]

كل ماضاق صدري قلت ياقلب سقها
في رحاب الله اللي دايمن ماتضيـق

آخرتها تروح النفـس للي خلقهـا
يوم ماينفع أبن آدم خـوي ورفيـق

[ملك الاحساس والمشاعر]

الحزن يوم المفارق عامل ٍ ذاتي ..!!

فطره ف الإنسان مايقدر يخليها ..!!

[ملك الاحساس والمشاعر]

ليت اليالي تستوي لي على الكيف..!!

لسري واشوف اللي تبيهم عيووني ..!!

[ملك الاحساس والمشاعر]

ياشينها لي ضاقت الدنيا على وجه الشجـاع
وياشينها لي شحت الدنيا على الكف الكريـم


وياشينها لي صارت الخوه مثل لوي الذراع
ماهو بمنهاج الوفاء والطيب والفعل العظيـم

[ملك الاحساس والمشاعر]

يمكن اغيب أيــام وأيـــام وأيــــام .. وفيهــآ أســج ولآ يجيــك أتصآلـــــــي

لكــن تأكــد والوعــد دووم قــدآم .. مآغبــت عــن عقلــي وفكــري وبآلــي

خذهــآ عهــد علآ مــر الاعــوآم .. إن جيــت غآلــي وإن تبآعــدت غآلــي