. . . . شَامخَه شيخَة عَرب مِتعاليَة حسّاسَة ~

[سـمـآويـه]

إسمَع كَلامي و خَل الثّرثرَه عنّكْ
البَال ما هو بِ طايِل كِثر ما طوّل
صَحيحْ قَدرِك رقَا بَ الحيلْ لكنّكْ
خُوفِكْ مِن اللي ليَا منّه رقَا حوّل !

[سـمـآويـه]

و أنَا ليَا جيتْ الرَّجِل عِند بَابَه
أبغي فِعِل يمنَاه ما أبغي فِعِل فَم

[سـمـآويـه]

غَلطتي كِنتْ أنتظرْ مِنك إهتمامْ
و غَلطتكْ ( بُعدي ) ثمنهَا و ادفعَه

لا تقُولْ البعد و الفرقا حَرامْ !
الحَرام أعطيكْ عمرْ تضيّعَه

[سـمـآويـه]

أقنَعتْ مِن بعضْ الوجيه الفليحَه
ناسِ تسولف بَ المراجِل بهمْ نَقصْ !

[سـمـآويـه]

صَاحبي لا غِبتْ عنّك مو حَرامْ
مَا هنَالي مِن تَحت رِمشِك مِقيلْ

واجبي مَا ازعَلْ عَلى قَلبك مَدامْ
إنت أكثَر شَخص في قلبي قِليلْ

[سـمـآويـه]

قِطعَه حِسِنْ يومي لهَا الرّيح و تميلْ
و أميل ضيعَه و ارتجَاف و غَرابَه !

مِن زينهَا كِن العذارى ريَاجيلْ
بِ الشّكل بِ الأطبَاع أو ما يشَابِه !





^^

[سـمـآويـه]

شكراً لـ أبوي اللي ربّاني وكبّرني ،
علّمني ما أنجرف بالكون وسيوله

إن ضقت ما فيه أحد غيره ، يدبّرني
المشكله في وجوده يعني : محلوله

يغيب عني ، وإذا إحتجته - إيمرني
يوله عليه الخفوق ( وكيف ما يوله ) ؟

أنا أذكر إنه وانا جاهل ، يشبّرني ،
يا جعلني فدوة ، إيدينه .. مع زوله

من بعد ما كان لـ الصعبه ، يعبّرني
اليوم معْ كل خطوه ، تشكي رجوله

كبرت يا بوي قل وش اللي تامرني ؟
بجيب لك ما تبي ، من غير ( وشهوله ) ؟

[سـمـآويـه]

مـن وعيـت وعيونـي ودِّهِـن بالرقـاد
ميـر لا قلـت : نامـن شفتهـن يدمعـن

من سنيـن اِنتشابـه . لكـن الله مـَ راد
بالحيـاة اِنتلاقـى .. لـو تلاقـي غبـنّ !

الليـالـي بـدونـك كِلّبـوهـن حِــداد
والوجيه اللي فيها لـي تحـوش الحـزن

جابـك الفقـد ليَّـه ليـن صرتـي مـداد
لـَ اصْدق الشعر يـَ اصْدق من زلال المزنّ

يا مرة مـن كثـر خوفـك وكثـر الـوداد
صرت احسّ ان انـا وانـت جمعنـا بطـنّ

[سـمـآويـه]

كبْ الكَلامْ الكثيرْ اللي مُفيدَه قِليلْ
مَ غير الأفعَال يِبقى ذِكرها سَرمدي

يمُوتْ مُوتَتْ قَهَر مِن كَانْ قلبَه بِخيلْ
و يعيشْ عيشَه فَخَرْ مِن كَان كفّه نِدي

و دامْ الجِدي بِ السّما قَدره يشابِه سهيلْ
لو تَمَدحْ سهيلْ مَا يِزَعل عَليكْ الجَدي

اللي عَرفْ قَدر فِعلَه عِند ربعَه نَبيل
و اللي يِشِك بغلا ربعَه ضعيفْ و ردِي

لا شبّتْ صِغار خَلقْ الله نَار الفِتيلْ
قَامْ يِتناثَر مِن قلوبْ الكِبار بردي

[سـمـآويـه]

ليتْ الحَنينْ أربَع و عِشرينْ سَاعَه
و ليتْ اللّقا سبعَه ليَالِ بِ الاسبوعْ

عشَانْ مَا اشكي مِن جفَاكْ و ضيَاعَه
و عشَانْ مَا تَخلِق لـ غيبَتكْ مَوضُوعْ

أنَا مَعَ حُبّك أحِسْ ب مجاعَه
لا صَار قِربِكْ جُوعْ و مفَارقِكْ جُوعْ

الصّوتْ وَحدَه ما يكفّي سماعَه
ودّك يكونْ الوَصلْ مرئي و مَسموعْ

فِديتْ رَغبَه خَاطرِكْ و إمتنَاعَه
و طبوعِكْ اللي مَا هي ب أيَّه طبوعْ

بعيدْ عَن طَرفِكْ و حَجمْ إتّسَاعَه
اللي تخلّي طيِّبْ الحَال مَوجُوعْ

و بعيدْ عَن جيدِكْ و طُولْ إرتفَاعَه
و قَوامِك اللي وِسطَه الحِسنْ مَجموعْ

أحبّك شعُورْ و ميُولْ و قنَاعَه
و طمُوحْ نَفسْ و رغبَه و حِلمْ مَشروعْ

الشّوق لِك مَزروعْ فيني زراعَه
مَا هوبْ مِن شَجره الأحاسيسْ مَقطوعْ

قولْ لـ نداء الشّوق سمعاً و طاعَه
إليَا متَى و نداهْ ما هوبْ ب مسموعْ ؟

أوّل عَلاماتْ المفَارقْ قطَاعَه
و آخر عَلاماتَه معَاذيرْ و دموعْ