يالله يارحمن ياخير معبود كل الخلايق تحت حكمك مطيعه
تغفر لمنهو وضع في القبر ممدود ياالله عسى قبره فجوجه وسيعه
اطلبك يارحمن من رحمتك زود ترحم بها يارب سمح الطبيعه
مرحوم ياخالي عسى قبرك ورود ولك روضة ماهيب روضة طبيعه
وعساك في دار بها الطلح منضود وفي جنة الفردوس ترقى منازل رفيعه
الموت حكم الله مقدر ومعدود ودنيا العنى يابوراشد تمضي سريعه
بعض العرب لاراح بالطيب مفقود وهذي صفات اللي مايحب القطيعه
وبعض العرب لاراح ماعنه منشود يوم الردي واللاش محدن يطيعه
وختامها صلاة ربي عد ماذعذع النود على نبين سعد منهو شفيعه
نواف بن محمد ابن هصمان
13-09-2011, 11:49 PM
العرض الشجري