وش فايدت ثقلك وصدك وفرقاك
عشان قلت اني سجين لعيونك!!
ياخي تعال وشوف هالقلب لارضاك
وشلون حالف بالغلا مايخونك
تدري خفوقي كيف فجأه تبناك؟؟
من يوم شفتك واصدقت بي ظنونك
حسيت باحساس الغلا يوم ناداك
قلبٍ حلف طول الليالي يصونك
ابيك تعشقني وانا اعشقك والقاك
دايم معي لو حاولوا ياخذونك
لاجيتني..انسى معي هم دنياك
واكيد ابنسى هم قلبي بكونك
احساس مرهف حرك القلب واطراك
والا الغلا مبطي تلون بلونك
تعال واجرحني وابشفى من دواك
شفها حياتي حييييييل صعبه بدونك
تعال ابشرح قصة الحب وياك
عاشق تمنى يعيش لحظة جنونك
عاشق لمح نظرة عيونك وخلاك
تحكم بلاد وشعبها يسمعونك
اقسم قسم من نظرة عيونك اهواك
كل ٍ سأل وش قصتي مع عيونك
من كثر ما قلبي على الكل بداك
خفت العرب من ناظري يخطفونك
وسلامتكم 
19-10-2011, 09:46 PM
العرض الشجري