الصحبة اللي غرّت القلب لحظات

[الاصيله]

السلام عليكم

ورحمة الله وبركاته





ما فات مات وكل ما هـو لنـا آت
يوم البشـر بافعالهـم يفرقونـي





هيهات ياللي غافلٍ عنـه هيهـات
يا ما تجرعنـا سببـه الغبونـي




الناس ما بين الحسانـي وسيـات
زادت هممهـم فيـه مايشبعونـي




كلٍ على فعلـه يزيـد السجـلات
واللي على فعل الخطـا يندمونـي




لو جرّ منه القلب فالعمـر ونـات
ما عاد ينفع ليـت والا ارْحمونـي




والحي فعله حي يبقى ولـو مـات
ذكره ينومس كـل جيـلٍ يجونـي




مير البلا لآ صار فالعمـر سجّـات
لو الذكا حـطّ الغبـا فالسجونـي




الصحبة اللي غرّت القلب لحظـات
واعمت عيوني واستمرت تمونـي




ليت الزمن يرجع واعيد الحسابات
يوم انكشف حيد الغطا عن عيوني




واشطب على بعض البشر فالملفات
بانت حقايقهـم وخابـت ظنونـي




ما دام مات بعمرنا كل مـا فـات
يالله عفوك قبـل ريـب المنونـي


من ذائقتي..