بسم الله نبدأ ياابن شعلان .

[الهيفاء]

الله عليكم ،،،،، الله الله الله ،،،، عايشين جوكم أنتو الأثنين ،،،،،، أتمنى الأستمراريه ، ونبي نسمع بعد وبعد ، فعلا اتحفتمونا ، بالتوفيق للجميع اعزائي ، ونحن بالأنتظار

[ريح الشمال]

ياراكب اللي طارت من وسط عمان = يقودها شيخ ماهو بولد مصري
يقودها اغلامن من نسل شعلان = والحرف افرنجي ماهو بالعرف هجري
انصا بها ديرة من حريمها الوان = شقر الجدايل وعيون اللون خضري
تلفي بك علي شيخ من نسل عجمان = سكر الحرايب لاصار الموت سكري
قله نبي منه رساله وعنوان = واللي يسري علينا عليه يسري

[الفايز]

يا مرحبا باللي يلاعبني الألحان = جتني علومك وانا قاعد في قصري
من اول جالس فيه داله وسبهان = والحين بيدري اللي ماكان يدري
روح علينا ونعطيك من كل بستان = مايجلي الخاطر ويشرح الصدري
بلشت بحمزه وانته منته بطربان = ولا انت بعارف اشلون تواكب العصري
ضايع بضاعه ما بين حضر وبدوان = وما كل زرع يعطي حب وبذري
وتعرف كلمة الشيخ النوري شعلان = ( يا دليم قله هلا )وتراه بيدري

[admin]

صح لسانكم

والنعم بكم يابن شعلان ويالفايز

ولاهنتو وتابعو ترانا متابعين

والله يستر علي العاليه يابن شعلان

[ريح الشمال]

والله عندي علوم كثيره يالفايز ، انسيتنيها ، كان نبا نهرجه بالمنتدي التاريخي للنشاما ، لكن حسبي الله علي اللي معك ، ما يتركن ويشوف غيرنا ،

ما همني حمزه ولاني بشفقان = واللي معانا نعرفه زين بدري
لاشك فاصل بيننا سبعة الوان = واللي درا بالنت ولا بيدري
شفق علي حليلتي بنت سلطان = ابن رشيد اللي يصفي الكدري
يطرب الا قالوا حرايب وبلشان = يسكر شجاعه ما يبا شرب خمري
ليتك تشوف الفعل يوم العدو بان = جمع الطنايا بيرقه دوم ثوري
واسلم وسلملي علي طير حوران = اللي معك أدري عن علومه أدري

[الفايز]

يا شيخنا همل أميرك الفسقان = درب السهل دايم يخليه عسري
بنت الرشيد معززه بديرة اخوان = ماها زلال وبنن اشقر وتمري
واللي بلندن ما تشفق لنجران = يفرق حراره بين جيرن ووكري

[الفايز]

يا ابو ورنس ـ ترى حتي الأندلس فيها نت ،،، لا تخلينا ، أدري انك مشيت الله يحفظك ، ناطر مراسلتك .

[الفايز]

حمام ياللي تزعج الصوت ورقا = سلم علي شيخ بلندن مكانه
عيني علي فرقاه من الدمع غرقا = وقلبي علي لاماه يرجف مكانه
أرجي زمان نلتقي فيه ونلقا = مجلس امير ما تبدل مكانه

[بندر العجمي]

ووواصلو ترانا متابعينكم

[الهيفاء]

والله العظيم ابداع ،،،،، أتمنالكم التوفيق أعزائي ،،،،،، فعلا أحس انكم أشعلتم المنتدي بالرديات الحلوه ، والكل صار ينتظر الردود ، منها للأعلي انشاء الله .