البارحه فى الدور واحد وخمسين(ابن قضعان وابن وسّام)

[عـزام]

أسعد الله جميع أوقاتكم..

ردية من أروع الرديات الاخيرة بين أجزل ثنائى على الساحة الشعرية وقد بدأها سلطان بن وسّام الهاجرى موجهه للشاعر ضيدان بن قضعان.

ويقول الشاعر سلطان بن وسّام الهاجرى:

بالله يا اهل دبى والا هل العين=من قال تبشر به عطيته بشاره

قرناس عشر سنين وأربع وعشرين=والله فيه من الوفا والقشاره
وإن قام يدرج عينه يسار ويمين=مثل الخفير اللى مداقش خفاره
يا شيب عينى لا كفخ بالجناحين=أسبق من إطيار الاباتشى إطياره
ما هاجر إلا بين خضر البساتين=فى ضيافة اللى ما يحسب الخساره
يخلى مراحينٍ ويملا مراحين=بيمناً من اصدوف الليالى مجاره
بيمنى الكريم مبدّل العسر باللين=نعم نعم (فزّاع) نمر النماره
أشهر أبراج العام الأول وذلحين=برجين. برج إيفل وبرج التجاره
وضيدان يكرم فى ضيافة كريمين=كنّه من المكتوم والدار داره
فندق جميرا بيتش وماريوت حمر عين=من مر منهن قام يمسح جداره
واليوم يا (ضيدان) وينك وانا وين=خليتنى ما بين تاره وتاره

أشيل ما شالت ظهور البعارين=وأصد غاره وآتصدى لغاره

رد الشاعر ضيدان بن قضعان:

البارحه فى الدور واحد وخمسين=شبيت من راس الفتيل الزقاره
كنّيتها لين امتلن الشرايين=لعلها تطفى لهيب الحراره
ونفثتها والدمع فى محجر العين=ما سال لا كنّه رهين الاشاره
أقرى وأعيد الخط مرة وثنتين=وأقول من صدرٍ تحطم اعباره
لبيه يا سلطان لو نازح البين=يزمى سرابه ويتركز اغباره
غرّبت حادينى من الفقر والدين=ما حد(أبو عرّام) يجلب احماره
ونصيت ربى ثم نصيت السلاطين=اللى تحفظ لكل رجلٍ وقاره
ومن فضل رب البيت ما بين عدّين=بين(أحمد)و(وحمدان)والعلم شاره
فى فلةٍ فى دبى ملكى ودورين=تعلّم البدوان فنّ الحضاره
قدّامها لنكن وكدلك ورنجين=وفى البر عزبه والمدينه عماره
وان طعتنى روّح على يا احمر العين=بشت الغناة ولا بشوت الاماره
ومن لا عشق له وحدةٍ من هل العين=عزا الله ان باقى حياته خساره

وســــــــلامــتــكــم