حي ما مات ( جديد السامر ) في فقيد الامه

[الباشا]

28/6/1426هـ

لأن مصابنا كبير والفجيعة أكبرها نحن نعجز عن ترتيب أوراق المشاعر

التي تكتظ في ازدحامٍ غير مسبوقٍ بالرثاء الذي نجزم أنه ما يعبر عما بداخلنا

من حبٍ لهذا القائد المخلص لدينه وأمته ووطنه خادم الحرمين الشريفين الملك

فهد بن عبد العزيز رحمه الله رحمة واسعة وغفر له ما تقدم من ذنبٍ وما تأخر

واسكنه فسيح جناته إنه سميع مجيب ولا أملك أكثر من أن تكون هذه التعزية

للأسرة المالكة والشعب السعودي وأبناء فقيد الأمتين العربية والإسلامية

فقيد الدين والسلام ..


حي ما مات

لو الحـزن بحرٍ تلاطـم نحاياه = مده وجـزره فـاق مـد المحيطات
قالو على فهد العـروبه صفا ماه = أمطـر سحاب الحـزن همٍ وعبرات
الهم واهج شمس الاحزان تصلاه = ومدامـع عـيون الخـلايق غزيرات
ولو البـكا قـد رجـّع اللي فقدناه = هـلت مـدامـعـنا على كل الاوقات
نبـكي على راسٍ عـزيزٍ دفـنّاه = وعليه حطـو باللـحـد سبـع لبنات
من يـوم ودّع يـوم الاثنين دنياه = ودمـوعـنا تذرف على الخد زافات
أخلص بحكـمه في محـبة رعاياه = وحبـوه حـبٍ صـادقٍ بالقـناعات
ولو شفت كل الناس بالشـعر ترثاه = بقلوبـهم فهـد العـرب حي ما مات
صان العهود وصان بالـدين مبداه= وناضل جموع أهل البدع والشعارات
على هـدى رب الخـلايق وتقواه = وسـّع بيوت الله لخـمس الصـلوات
داعي سـلامٍ روح الاسـلام معناه = شـيـّد مساجـد بالديـار البعيـدات
أعزي الشعـب السعـودي بفرقاه = وأعـزي آل سـعـود فرد وجماعات
واشـباله اللي قـاضبينٍ سـجاياه = أعـزي اخـواني من القـلب بالـذات
والله يـونس وحـشته عنـد مولاه= حكـمـه شـمل شعبه بفضل ومبرات

للشاعر

عبد العزيز بن سعود بن محمد آل سعود

__________________