أمانه بس علمني
تراني كنت متوقع تصدق هرج خلق الله=ولكـن ما توقـعـتك تسولف بي لعـذالك!!
تبي تنساني؟ إنساني.. فداك اللي مضى كله=يجوز أحيا من فراقك مدامي ميِت بوصالك!!
ترى ما يجحد الواقع سوى خلٍ نسى خله=مثل ما تجحد عيونـي حنيـنٍ حيل يظمالك
مع أني عارف ما أحدٍ يداوي غيرك العله=أسج بحالي لحالي لجل ما ينبري حالك!!
وأكابر من خطا نفسي وأزيد الجرح وأبله=وأتحاول في عبث مضحـك أدور غير همالك
حبيبي حتى لو زولي من غيابك فقد ظله=كفاية شمسك اليا اليوم تنسج حولي ظلالك
تبيني اعتذر؟ (آسف)، ولكن وش هي الزلة؟؟=تبيني أجرحك؟ حاضـر.. أنا همك وغـربالك
مدام أني سبب دمع حزين ناظرك هله=فـعساني يا بعد عيني اجل ما اطري على بالك!!
وإذا قالوا لك إن قلبي من فراقك نزف غله=قل إن: مـابه بلى عسـى درب السعـد فالك
وأنا والله وثــــم والله وثـــــــم والله وثم والله=لا سوي ما تبي من شان بـس تحقـق آمالك
ولكن قبل ما تبعد وتنسى ما مضى كله=أمانه بـس علمني وش اللي غير أحوالك!!
وسلامتكم
لشاعر فيصل بن طواله
لكم مني أطيب تحيه
أخيكم
10-10-2005, 04:08 AM
تبيني أعتذر أسف، لكن وشهي الزله؟!!
العرض الشجري