((( الله محلاك)))

[نعير بن شلوان]

اخواني واخواتي الاعزاء
اسعد الله جميع اوقاتكم بكل خير
يسعدني ويشرفني مشاركتكم
في هذا المنتدى الشامخ
واشكرالشاعر الكبير
الاخ / سالم بن جخير على دعوته
لي بهذا المنتدى وهذا شرف لي
ووسام على صدري
واضع بين ايديكم هذه القصيده المتواضعه
واتمنى ان تحوز على رضاكم

واقلبي اللي علي كثرت طواريّه = هاضت وفاضت علي والروح مشتاقه
ياحلو سج القدم بالديره الحيّه = ومخايلٍ المزن لامن لاح برّاقه
الله محلاك ياجو النعيريّه = عليك سحبٍ من الخلاّق منساقه
يمطر مطرها على الدار الربيعيّه = تسحروتسرق قلوب العالم أسرّاقه
من كل ديره تجي ناسٍ سياحيّه = تسلى وتنسى جميع الهم وارهاقه
شوف الفياض الخضر في كل عصريّه = غايت منى عالمٍ للبر عشّاقه
وريح النفل منوت النفس الشقاويّه = ومن حلوريح الخزامى نقطف أعناقه
هذي طرات العمر والموت له جيه = العمرله حزتٍ تيبس بها اوراقه
مادمت حيٍ على الصحراءالطبيعيه = باخاوي اللي معي ماشانت اخلاقه
خوّت فهد مسندي ريف الخلاويّه = لاشب نار الدلال وصاح لنياقه
يرتاح لاشافها عشّت حواليّه = في شفّها متعبٍ جيبه وسواقه
وينزلبها فيضةٍ بالسيل ممليّه = فيها الزبيدي وفيها شبعت الناقه
في خايعٍ قبلها ماداسه رعيّه = والضيف من درّها ما جفّت أرياقه
في مدح ابو جخير لامن حل طاريّه = أقول هذا عمود البيت وارواقه
مواقفه عندنا ماهي بمنسيّه = يشيل عنّا ثقيل الحمل بشقاقه
من صلب جدّي عريباتٍ مجانيّه = اللابه اللي بدرب المجد سبّاقه
الله يسعد مسانا بالنعيريّه = الديره اللي وسقني حبها وساقه

الشاعر نعير بن شلوان