......@@(( المشكله يانـــــوف ))@@.....

[غازي الرسمان]

بسم الله الرحمن الرحيم

اخواني الاعضاء الكرام
السلام عليكم ورحمة الله وبركاته
تحية طيبه وبعد

هذه قصيده تحكي عن الذكرى الجميله كنت اعيشها بالسابق

والان لا استطيع سوى ان اشكلها واضعها واجسدها لكم في هذه القصيده المتواضعه

المشكله يانوف مهما نسيتي
............... فكري وشعري دايم الدوم يطريك

والمشكله يانوف مهما قسيتي
................ روحي وقلبي والمدامع تناديك

في ذمتي يانوف لا ماوفيتي
................ هذا جزات اللي يحبك ويغليك

وش مستفيده من عذابي جنيتي
................ غير الجروح اللي هدتها اياديك

ودي اقول انك بجرحي بديتي
................. واسكت قهر مثل الخرس ما احاكيك

وين الحنان اللي بالاول عطيتي
.................. يوم المحبه ياحياتي تداريك

منهو احترق من لوعتك لاشكيتي
.................. ومنهو مشى مثلي ياعمري يباريك

روحي تروح ان كان عني مشيتي
................. الله ينساني اذا كنت ناسيك

في ذمتي يانوف مهما نسيتي
................. قلبي وشعري دايم الدوم يطريك