يا كويتنا يا حبّ من غير تبديل

[عبدالله الصواغ]

السلام عليكم ورحمة الله وبركاته

اخواني الكرام ؛ تحيه طيبه للجميع ,, اما بعد

لكم هذه القصيده التي تتلكلّم عمّا بها

يالله يا اللي تعرف العدل والميل * يا اللي جميع الناس جودك شملها
تحمى بلاد ٍ قوموها رجاجيل * دارٍ حشا محدٍ يدوّر بدلها
دار الشيوخ اهل السيوف المصاقيل * اللي عداها ما تحمّل زعلها
آل الصباح اللي عطت ضدها الويل * يوم الحرايب فعلها ما خذلها
في ماضي الدنيا على الجيش والخيل * محدٍ من كبار الاسامي جهلها
وفي حاضر الدنيا ومع نهضة الجيل * مافيه رجالٍ حكيمٍ عذلها
مرحوم يا شيخ الشيوخ الحلاحيل * اللي بنا مجد البلاد وكفلها
انت النهار اللي جلا ظلمة الليل * وانت الطبيب اللي يداوي عللها
انت الابو وانته لشعبك مداهيل * وانت الزعيم اللي دياره جعلها
متقدمه ما تلتفت للاساطيل * ما همّها كثر العدا من عملها
يا جابر الرحمه زبون المداخيل * الكلمه اللي فيك يطغى خجلها
عسا الجنان العاليات المظاليل * مثواك يا عز الكويت وفحلها
زادت من ابعادك علينا الغرابيل * ودموعنا قلب الولد ما احتملها
هذي هي الدنيا صدوف وتهاويل * نحزن ولو كنا بفرحه ونلها
مافيه فنجالٍ يقدّم بلا هيل * وكل البشر عاشت وتجهل باجلها
حنّا عرب ما نتبع القال والقيل * والرجل فينا الخايبه ما نقلها
يا كويتنا يا حبّ من غير تبديل * ما شال حمل الديره الا جملها
صباح ابو ناصر سليل المشاكيل * نسل الشيوخ اللي تشرّف دولها
صباحنا وان كان للدار تمثيل * هو خير من مثّل بلاده واهلها
اللي يحلل كلمة العقل تحليل * اللي ليامن قال كلمه فعلها
رجل السياسه عارف الحط والشيل * المايله لا لد عينه عدلها
الله يعينه فالليال المقابيل * هو رمز دار اهل الكويت وجبلها
محدٍ يبا يلقى علينا مداخيل * وكويتنا من ضدّها ما وصلها