قصة دخولي لمنتدى العجمان

[لاداعي للاحراج]

قبل مايقارب 7 او 8 اشهر جيت متاخر للبيت ولقيت اخوي اللي هو النفس طابت قاعد على النت ويطالع منتدى العجمان المهم نشبت له انا جاء بيسكر النت قلت لا ابي ادخل دردشه اشبك بنات . صدق اخوي المسكين وسكر المنتدى بس نسي مايسجل الخروج من المنتدى دخلت ولقيت اسمه النفس طابت فحبيت اني اشوف مشاركاته وشدتني قصيده اللي هي تكفى يابو هادي وطبعا القصيده هذي موجهه لي انا طبعا حيث اني اصغر منه سن بعد ماقريتها اثرت فيني شوي وقلت الله يستر لا يدخل علي الحين ويشوف وجهي كذا بس بيقول شبك بنت وجحدته بعد بطاقة الشحن هههههههههههههه
طبعا القصيده اللي كتبها اجبرتني اني ارد والا انا ماني بذاك الشاعر والله من وقتها مانمت لين كتبت الابيات كامله بعد ماخلصت قلت ابي انزلها بالمنتدى وكيف انزلها لازم اسجل هنا كانت المشكله وماودي ان اخوي يدري اني انا اللي رديت على القصيده ابي اشغل باله شوي المهم المشكله كانت في ان ماكان عندي ايميل رحت حق واحد من اخوياي وقلت له ابي ايميلك هههههههههه
قال صاحي انت وش اللي تبي ايميلي قلت ياخي ابي اسجل في منتدى وطالبين ايميل قال خذ حق اخوك .. اخذت حق اخوي بس رفضوا قالوا الايميل هذا موجود اضحك على غيرنا هههههههه
المهم رحت محل انترنت وقلت له ابي تفتح لي ايميل لاني وقتها كنت عليمي بالنت فتح لي ايميل بــ 20 ريال والله اخذتها من مخبى اخوي وهو مايدري هههههههههه
وسجلت في المنتدى ونزلت القصيده والحمدلله كانت ردود الفعل جميله جدا وشجعتني اكثر بس اخوي انلحس شوي كنت ارسل له رسايل خاصه وحاول يعرفني بس ماعطيته وجه بعدها انقطعت عن المنتدى ممكن حوالي 3 اشهر واجبرني والله هذا المنتدى اني ارجع معاكم واشارك ..
هذه قصة دخولي افضل منتدى من وجهة نظري لافضل قبيلة قبيلة العجمان المشهوره والغنيه عن شهادتي اصلا
اللي ابي اقوله لكم وممكن تتفاجؤون ان اخوي النفس طابت للحين مايدري اني انا اخوه عبادي اللي وجه لي قصيدة تكفى يابو هادي وجاه ردي اللي اعتز فيه كثير وانا داري اني راح اتسطر منه بس عادي النفس طابت مو اخ بس يعتبر بمثابة والدي رحمه الله وهو يعرف ذلك انا انتظر على احر من جمر دخول اخوي عشان يشوف هالقصه وابي رده بسرعه
اخوكم لا داعي للاحراج * عبادي *