رد على الشاعر.. منصور بن منيخر

[السامر]

هذي القصيده رد على قصيدة الشيخ ... منصور بن منيخر

هلا بالقاف يوم انه وصلنا = نظم طاروقها شاعر وطنٌا
هديها مايظاهيها هديه = صفط لي بيت شعره يوم غنٌا
قصيده حاجزن اكبر مساحه = على الساحه بيوته يعرفنٌا
على شأنه هجوسي طاوعتني = أجر الصوت ولحن لحنٌا
أرحب به عدد برق المخيله = وعدد ماغرد القمري وغنٌا
وعدد من في البسيطه ساكنينا = لبو محمد نسوق أفضل ماقلنُا
رفيقي والله ان يرقى سنودي = مادام الراس عايش مارحلنٌا
بعد سيرت صوبك يالجنوبي = لقيت الطيب مع هيل وبنٌا
انا لو جيت في حظرت جنابك = ترا كني مقيمٍ عند أهلنٌا
على ماقيل حن ربعُ وجماعه = وفزعتكم تجي لا من زعلنٌا
مادام الرجل في دنياه حازم = لزومٍ يدرك اللي هو تمنٌا
وبني سفران لامن قيل ردت = على العدوان تقدم ماتتنٌا
تخوض المعركه ماهي تمالي = أهل رمح وأهل سيف محنٌا
وأهل فعلٍ يسجل في السجله = على مر العصور اللي مظنٌا
سنافي ياولد عمي ووافي = لك البيضا وطيبك ماجهلنٌا
وهل السمرا ليا من قيل حلٌو = تشد القوم وأهل العد عنٌا
ولا هو يفلح اللي قد حربنا = نشق الصف من قوة طعنٌا
ويبقى فعلنا للناس عبره = بقول اللي ظعنهم مع ظعنٌا
وعشير البيض لو قالو هبيلا = رضى بالوصف ماهمه زعلنٌا
وقلبي في سماء خلي محلق = وعلى شأنه ترا ماهو تهنٌا
وانا لو قلت لك كلمه صريحه = على شان الغلا خلي شحنٌا
وبنات الفكر كنها الغيد شرٌد = وعلى شأنك سخرنا القاف حنٌا
وصلى الله على المبعوث رحمه = يجي يشفع بيوم الحشر عنٌا

فهد بن محسن