((,,مصافحى اولى ارتجاليه,,))

[كبرياء مريه]

السلام عليكم ورحمة الله وبركاته

تحيه طيبه للجميع من إداره ومشرفين واعضاء بمنتدى العجمان

يشرفني الإنضمام إليكم ,, وارجو اني اقدم ولو شيء بسيط يليق فيكم

سأترككم مع هالقصيده المتواضعه واللي ارتجلتها للمنتدى ,, عساها ترضي ذائقتكم الشعريه ولو لبعض الشي

باسمي انا بنت الرجال المناعير=أهل الكرم والطيب واهل الصعايب
أهل الفعول الكايده والمغاوير=تاريخهم يشهد بعصر الحرايب
من لابةٍ كل القبايل لها تشير=لا جا نهارٍ فيه رمي الشهايب
مريةٍ تفرق عن الكل هي غير=متعلّيه من فوق هام السحايب
حبيت اسلم واشترك مع هل الخير=في منتدى العجمان ببدي الرحايب
فيه الرجال اهل الوجيه المسافير=ياميةٍ من فعلها الطفل شايب
خصيت له قافي ولا فيه تزوير=قافٍ جديد الحرف ماهوب عايب
سقت المعاني وافيه دون تقصير=حتى تجمّلني وتوفي الطلايب
فيه ارتجلت الشعر والشعر تعبير=واخط به حرفي عسى الحرف صايب
حتى ارتقي واكتب من القول تنوير=واعزف على اوتار الفكر للحبايب

سلامتكم

تقبلوا ارقا التحايا واعذبها

دمتوا بكل الود