شامة الخد الايسر

[صالح ال كحله]

بعد غيبة اعود اليكم ..... وعسى ان تنال اعجابكم

ـــــــــــــــــــــــــــــــــــ

نخيت انا الشعر وتعزوت حروفه = انا دخيلك يالشعر قال لا باس
قال اشتبي يا زابن بان خوفه = وش فيك يارجال تايه ومحتاس
قلت الحبيب اللي نبي ما نشوفه = ولا به شبيه له ولا مثله اجناس
(وقتي)( وحظي)( والسلوم) وظروفه = تحول دونه والمعاليق يباس
قال ابشر بعزك وعظم احلوفه = اني لاجيب اعلوم خلك بقرطاس
قلت البلا ما تقدر انك تحوفه = وصعب عليك اتجيه ياطيب الساس
ثم قال لي ما دام نفسك شغوفه = لاخبار خلك تظرب اخماس باسداس
دونك نسوق الحال ماهي حسوفه = ولزم(ن) علي اروح لرضاك عساس
وجاني وقلت اخبار راعي النكوفه = وجلس واشوفه فيه هم و وسواس
قلت العلوم وقال ما من مروفه = لقيت ناس دونهم عشر حراس
فيهم جمال مابه احد ينوفه = واحترت بزينهم وضيعت الاقياس
من بينهم غرو(ن) بحاله نحوفه = يفل شقر وسطها لمعة الماس
والناس في حفله وبيض كفوفه = وبان الحزن لي في حور ما ادري انعاس
دعج عيونه والمباسم عطوفه = وعليه خصر ناحل وقد مياس
ولاحظت به حاجه اكيد معروفه = الخد الايسر فيه شامه ونبراس
ثم قلت وقف والله اني ذي اوصوفه = هذي اوصوف اللي عشقته من الناس
من قابله طول الدهر ما يعوفه = يبعد اهموم اللي طوى حاله الياس
احب انا طرياه واعشق اطيوفه = واحب كل ارض بها الزين قد داس
جعل المطر لاقام تنشي اقنوفه = يسقي اديار احبيبي عطر الانفاس
وشعر زهمته ثم تعزوت احروفه = انا أشهد انه عزوته ترفع الراس

ـــــــــــــــــــــــــــــــــــــ


صالـح ابن كحلـه المــري


ـــــــــــــــــــــــــــــــــــــ