.....@@(( ردي على قصيدة الشاعر حمد المخيال ))@@.....

[غازي الرسمان]

بسم الله الرحمن الرحيم

اخواني الاعضاء الكرام

السلام عليكم ورحمة الله وبركاتة
تحية طيبه وبعد ,,,

هذه قصيدة الشاعر القدير حمد المخيال وردي عليها

المشاركة الأصلية كتبت بواسطة حمد المخيال

مساكم الله بالخير
تراها قصيده كيبورديه والله مدري وشلون اطلعت
وسامحونا ان كان قصرنا في شي

ياعازي الرسمان كلن وله حد = وانا ابتليت بقلب جاوز احدوده
ميدري ان الحب ملعون ابو جد = كم عاشق(ن) ياخيك بيح اسدوده
لامن نهيته معجبه هرجي وصد= ليتك تجي وتشوف منطق اردوده
مدري اشيبي فالحب يومنه يلد = هو يحسب ان الحب ظنه يزوده
لاشاف بنت(ن) كنه الطير لاهد = على دمار النفس ياجود جوده
دايم امشكلني وواقف لي بضد = حتى الخبل (مريوم) قامت اتقوده
والا منيره ترخي الحبل وتشد = شدت عبادي لكرب حيل عوده
والا المها تحبني يوم وتصد = والا عبير اشلون ويا خلوده
حتى بعد ياخيك وضحه تبي ترد = تذكرت هالقلب وماضي عهوده
والا نوال اشلون مياسة القد = منها بياض الشعر مرثع بسوده
مدري يغازي وش نخلي وش انعد = بس الاكيد القلب جاوز احدوده

وهذا ردي على قصيدة الشاعر القدير حمد المخيال وفية نوع من الدعابه والفكاهه

يامرحبا باللي صعد قمة المجد=الشاعر اللي معتلي في صعوده

يامرحبا اعداد مافتح الورد=وعداد ماتبرق وتصفق رعوده

كانك شكيت البيض وبيحت لي السد=هذا الهوا يا اخيك محدٍ يعوده

درب المحبه ياحمد صاحبك لد=وحب المصالح ياحمد مانجوده

القلب واحد يسكنه شخص من جد=وقلبك بنات الكون تسكن خدوده

شقحى وحصه بالموده لهن حد=وضحى معاها الحبل تعقل قعوده

ولاعبير وسوسن وشلون منهد= وريمه وسلمى فوقهن جت خلوده

في صفحة التاريخ لجيالنا الغد=تحكي لهم عن زير نادر وجوده

وزارة التخطيط ملت من العد=تكتب وتشطب مابقا من قيوده

قلبك عماره ولافندق به احتد=ولابعد تكسي وكلٍ يقوده

مافيه اماكن شاغله قال مستد=واللي على الويتنق زادت حشوده

افتح لهم بالقلب مليون مصعد=وخل السلالم للطواري محدوده

ماظنتي بالكون نلقى لك الند=مثلك فريد ولا لقا من يزوده