.....@@(( إية بدوي إبن بدوي وبدويه ))@@.....

[غازي الرسمان]

بسم الله الرحمن الرحيم
اخواني الاعضاء الكرام
السلام عليكم ورحمة وبركاتة
تحية طيبة وبعد,,,,

هذه القصيده كتبتها حين تلفظت علي احدى الفتيات وقالت بانني في زمن الجاهليه وانها لاتلمني حيث انني بدوي ابن بدوي وبدويه .. وهي بنت المشاهير صانعين الحضاره

قالت بدو .. وبقولها لي معايير=لي الفخر اني بدوي ياغبيه

هي بنظرها عاليه فوق وتطير=وحنا بلا جنحان نمشي خفيه

متعلمه هي فوق كل التفاكير=وحنا بلاتعليم وإبلا هويه

رمز الحضاره تقول بنت المشاهير=وحنا عيال البدو والجاهليه

قلت اسمعي مني علوم وتحاذير=انا بدوي يابنت وانتي اجنبيه

اجدادج اللي صانعين البساطير=صناع مهنتهم ولامن حميه

النمل يفرح طار مثل العصافير=مايدري بالجنحان صارت منيه

منتم من اللي ينطحون الطوابير=فوطة زفر يمسح بها كل رديه

حنا هل التاريخ ماحط تزوير=فعلن بدا بالنور ماهو عشيه

حنا هل العادات واهل المغاتير=دسنا على اجدادج وصارو ضحيه

حنا شفات الحرب حنا المناعير=عدونا يلعن خوين خويه

حنا بدو ماجينا لفو ومداوير=ولا جمعونا وقيل عنا قرويه

ولاجينا نستوطن سوات المهاجير=اصل البلد.. حنا لنا الأوليه

مثل الجبال الراسيات المخابير=كل ما يزيد الحمل زدنا شويه

لو الصبر يحكي علينا ترى يشير=منا تعلم كيف ياخذ رويه

الارض نطويها سوات المسافير=نتبع خضار القاع لجل الرعيه

ولا المطر لاهل مثل التباشير=نفرح ونطلب خير رب البريه

وعقب المحل نشوف نبت النواوير=وتخضر فياضن بعد ماهي عريه

انا بدوي اسطر المجد تسطير=ولا انتي مالج قيمةٍ يارديه

عالي مقامي ياوجيه الخنازير=لله حنيت الراس ولوالديه

امي لها عندي معزة وتقدير=منقطها بدار العجايز اذيه

في طاعة الرحمن وصتني إصغير=وعلى طريق الخير مدت إديه

على خطا المحمود خلتني اسير=احفظ صلاتي والفروض النديه

امي على الجيران ماجت بتقصير=ولاتطرد الضيفان امي اجوديه

وان كان في قولج عليها بتحقير=-هذا بدوي معروف ولد بدويه

إية افتخر فيها ولا اقول تبرير=هذي عريبه .. وامج انتي ارمنيه

ابوج جاب امج بخشم الدنانير=منهم خوالج .. قولي هم كاوليه

لاتقربين البدو بنت الحناطير=إية بدوي إبن بدوي وبدويه