ابوتركي على كرسي الاعتراف

[فيصل بن حجرف]

السلام عليكم

انا عندي سؤال واحد
شنو سالفة اشرلي بالمنديل يوم رحت تشتري زقاير؟

ونشكر حسن تعاونكم

[ابوتركى]

كويتى حبيبى تشكر على اسئلتك وشكلك بتفضحنى دير بالك ترى ماسك

عليك شغلات هههههههههههه نروح لاسئلتك حبيبى


السوعال الاول :- انت وين ســاكن .؟
السوعال الثاني :- شنو سيارتك .؟
السوعال الثالث :- دامك عزوبي ليش يسمونك ابو تركــي .؟
السوعال الرابع :- تحـــــــب الموسيقى ؟
السوعال الخامس :- شنو احسن أله مو سيقية تحبها.؟

الجواب الاول انا ساكن بخيطان

الجواب الثانى بأم دبليو بس قديمه شوى

الجواب الثالث انا سميت نفسى ابوتركى والاسم هذا احبه بالحيل

الجواب الرابع والخامس احب الموسيقى وخاصه العود واجيد العزف عليها

صحيح انها تفشل بس هوايتى

تسلم اخوى كويتى

---------------------------------------------------------------------------

اختى نحلة المنتدى كويتيه تشكرين على الاسئله


شلون عرفت المنتدى؟؟؟؟؟

هل تحب السفر ؟؟ و اذا اي.. قوليتاا اي دول سافرت.. ومتى اخر مره سافرت؟؟

تحب اطالع تلفزيون؟؟؟؟؟؟؟؟؟؟

اذكر لنااا موقف محرج..

هل تحب الاطفال؟؟؟... ولا مالك خلقهم...

واخر شي.. قولناا موقف اشرلي بالمنديل.. لوول مالي شغل. كويتي شيشني ابي اعرف


عرفت المنتدى بالصدفه ذاك اليوم رايح للكافى وكان يمى واحد زاغت عينى عليه والا شفته داش المنتدى بس القهر مالكشت نكه طبعا قبل لاشترى لى جهاز
ههههههههههههههههه ولولاه ماعرفت المنتدى

اما عن السفر احبه بس ماحب اطول بالسفر طبعا رحت الخليج كله ومصر
وسوريا واخر سفره كانت لسوريا الصيف الماضى

التلفزيون احب اطالع الاخبار بس

الموقف المحرج لما كنت فى وزارة الكهربا طبعا اشتغلت فى خمس وزارات
من قبل كنا برمضان وان طبعى صيامى كله نوم ماعرف اصوم الا بالطريقه

هاذى وكنت انام بسيارتى اللى مغيم جامتها ذاك اليوم رحت بسيارة اخوى
وادورلى مصفط مالقيت الا مصفط المدير صفطت فيه حطيت فراشى ورى
ونمت طبعا دقيت على السكرتير وقالى المدير ماجا المهم نمت وخلال نومتى
صدف فى زياره لخبراء انجليز مرو وشافونى راحو لمكتب المدير ودقو عليه
السكرتير كان يدق على وجهازى مسكره المهم وصل المدير وشافنى قعدنى
وفوق هذا عينى قويه تهاوشت وياه حولنى تحقيق وصارت سالفه والناس
اللى بالوزاره اغلبهم اعرفونى من السالفه وفيها انفضح مديرنا خبراء وشايفين
واحد نايم لا ومتلطم بشماغه بعد فا انحرجت بالوزاره وقابلنى وكيل مساعد
بالوزاره وكلمنى يعنى صارت بلبله

اما عن الاطفال اموت فيهم وخاصه البنات الصغار اما اذا كبرو يمصخون

المنديل لاتعليق والله احراج

كويتيه تسلمين وماقصرتى

----------------------------------------------

اخوى العجمان تسلم على مرورك وتواصلك

اما ع سالفة المنديل مافى سالفه بس تعليقات من كويتى تعرفه شمات

وتسلم حبيبى على اسئلتك

[الوطن]

اهلا اخى ابو تركى

انتظر سالفة اشر لى بالمنديل

[ابوتركى]

تشكرين الهاجريه على مرورك

المنديل من سبايب كويتى ومن البدع اللى يبتدعها حسبى عليه


وتعرفين كل بدعه ظلاله وكل ظلاله بالنار ف مافى اى سالفه تذكر


وتشكرين اختى

[فيصل بن حجرف]

مو مشكله نطوف سالفة المنديل

عندي كم سؤال مجكنم لك اخوي ابو تركي

1- شنو اكثر قسم يعجبك في المنتدى؟
2- شنو السلبية اللي تظايقك في المنتدى ؟
3- شنو اكثر يعجبك في المنتدى وتحس انه يختلف عن باقي المنتديات؟
4- شنو اول شي تسويه اول ماتدخل المنتدى؟
5- شنو شعورك كتبت موضوع ولقيت احد كاتبه قبلك؟

ولنا رجعه انشالله

تحياتي

[ابوتركى]

اخوى العجمان تشكر على اسئلتك حبيبى


1- شنو اكثر قسم يعجبك في المنتدى؟
2- شنو السلبية اللي تظايقك في المنتدى ؟
3- شنو اكثر يعجبك في المنتدى وتحس انه يختلف عن باقي المنتديات؟
4- شنو اول شي تسويه اول ماتدخل المنتدى؟
5- شنو شعورك كتبت موضوع ولقيت احد كاتبه قبلك؟

=====================================

1- كلهم يعجبونى الا قسم الكمبيوتر ماادرى الاكترونيات هاذى مااحبها

2- اللى يضايقنى بالمنتدى المشاحنات والزعل اللى ماله اى داعى بس الحمدالله

اهنيه قليل جدا ويضايقنى الانسحابات اللى حصلت


3- اللى يعجبنى بالمنتدى الاعضاء الراقين بالتعامل وخفة الدم واحترامهم لبعض

4-اول شى اسويه افتح الرسايل واجيك على مواضيعى حتى ارد عليها

5- بالعكس شعور عادى وادور غيره واكتبه او انقله

اخوى العجمان تسلملى

[كويتيه]

لووووووووووووووووووووووووووووول

خووووووووش موقف الله يا هو محرججججججججججججججج.. اصلا لو انا منك خلاص اتووب ما انام كلش ملش بس والله زين طلعت منهاا...

بعدين مو مشكله سالفت المنديل هذي ينستجوب كويتي عليهاا..


يعطيك العافيه على سعه صدرك..
و لي عوده للاساله مايصير كلهم اليوم اعطيك راحه.. باجر نكمل..

بس سوال.. دام انك تقول تحب اليهال البنوتاات الصغار.. شنو احب اسامي البنات لقلبك..

[ابوتركى]

كويتيه الا سالفة المنديل هاذى مالها اى شغل انا جاوبت

ويحقلى الامتناع عدل لو مو عدل




اما الاسامى المحببه الا قلبى هو اسم غدير على اسم بنت صاحبى

شحلاتها نتيفه لا ومالها ضروس


تحياتى

[كويتيه]

يا حلاته خووووش اسم. حتى انا احبه..


و خلاص ماني سالته عن السالفه...


ويعطيك العافيه ولي رجعه لك..

[بنـدر العـواجـى]

اخيرا ابوتركى قعدوك على الكرسى وعندى لك كم سؤال حلو ياحلو


1-ليش منت متزوج اذا ماتبى تجاوب على هواك يعنى سؤال مفتوح


2-وشنهى امنيتك بالحياه

3-ومنهو برايك انشط عضو


ولى رجعه معك انشالله

تحياتى