الله يعطيش العافية يا ( المها ) على نقل القصة والقصيدة ....
اما القصيده فهي مشهوره وهي كامله للحروف كلها ، وبذكرها لكم مع شرح للكلام اللي مهب مفهوم ، اللي اعرفه ، والكلام اللي ما عرفه ربنا وربكم الله !!!!
والقصيده هي لمحسن الهزاني مهب لولده ، اما القصه فهي مركبه عليها !!!!
مركبينها لولده والا هي للهزاني نفسه ، ويقول فيها:
ألف وليف الروح قبل أمس زرناه *** غرو يسلي عن جميع المعاني
الغرو : البنت الصغيره
والبا بقلبي شيد القصر مبناه *** وادعى مباني غيرهم مرمهاني
مرمهاني : خاليه
والتا تراني كل ماوحيت طرياه *** أفز لو حلو الكرى قد غشاني
اوحيت : سمعت
الكرى : النوم
والثا ثلوم القلب ما حدن بيرفاه *** إلا أن خلي من عذابه سقاني
ثلوم : الجرح
والجيم جيته ما تردا لمن جاه *** يقول حي اللي عناني وجاني
والحا حليه يم نجران مرباه *** ويم رغا نبت الدعث والمجاني
نجران : وما أدراك ما نجران !!!
الدعث : نبات بري
والخا خليلي ما تجارح سطاياه *** ابظامري علق سطير العراني
والدال دوك القلب من حر مسطاه *** جرح فلو جبت الدوا ما شفاني
دوك : انظر
والذال ذهب الحواجر بيمناه *** أصابعه تزها الخواتم اثماني
والرا روايح المسك رياه *** ريحة زناد فاح أو زعفراني
والزا زبر جمعه ولا احرز ملاقاه *** مال اجنبي ابقول راعي المجاني
والسين سم الحال والعقل باصباه *** باربع محاحيل بجر السواني
السواني : هي التي تسحب الماء من الآبار لسقي النخيل والزرع
والشين شبهته طليع بحرباه *** ما يشرب ألا در عرب سماني
عرب : النعاج
والصاد صاب القلب بالدرج مخطاه *** قلت آه واعزاه دمي كساني
الدرج : نوع من البنادق بذاك الوقت
والضاد ضروب المها كلها افداه *** ويلاه من ربي بحبه بلاني
المها : المشرفه ههههههه أضحك معش !!!
والطا طويت الياس منه ورجواه *** لو كان ساعفني فباكر جفاني
والظا ظنيت حالي ولا فاه *** قلت الوداع وقال هذا مكاني
والعين عامين ونا ادور للاماه *** اجيه الى غاب القمر والهداني
والغين غاب وفسد الترف بعداه *** اجيه حذر بالغبا والبياني
الغبا : الخفا
والفا فكر ويش رايه وطرياه *** هو حب قلب لا مودة لساني
والقاف قلت اقلط وخذ ما تمناه *** ما شاف غضروف صخيف الثماني
والكاف كيفي طاب والحمد لله *** الى حصل قصدي ترا العمر فاني
واللام لايمني عسى الويل يفجاه *** ما شاف الذي ربي بحبه بلاني
والميم ما والله لقينا حلاياه *** لافي البدو يذكر ولا في المباني
والنون نوره من سر الليل جداه *** مثل الفنر والا القمر يوم باني
جداه : دلاه الطريق
الفنر : السراج
والها هيضني بها زين شفاه *** كنه الطراد الهوى معشراني
والواو لي يومن على السطح وياه *** أشرب من مبسم رهيف الثماني
رهيف الثمان : الاسنان
واليا يسقيني معسل شفاياه *** ولو جفيته عايفه ما جفاني
هذا اللي بغيت اذكره لكم ، وجعلني ما عاد اكتب موضوع كبره هلكت وانا اكتب !
يا دافع البلا
27-07-2006, 03:21 PM
العرض العادي
