حمد هادي المسردي يمدح بن بلال

[بري حالي]

هذي قصيده اسندها حمد هادي المسردي رحمه الله الى شاعر يام ابن بلال




سلامي على حلال عسرات الانشاب&& عريب الجدود الي طروقه مخلاه

عريب الجدود اعرب عربين الانساب&& له ازكا سلامي وتحيات مهداه

على بن سعيد ابن بلال(ن) ليا طاب&& لي المدح ماامدح غير مثله وشرواه

كعام العدا بحر الندا ريف الاصحاب&& ومطلق حجاج الي من البعد ينصاه

ذرا الجار عز العانيه سعد الاقراب&&عقاب(ن) علامات السعد في محياه

عقاب(ن) بلطمة مخلبه يعطب اعطاب&& شهر واشتهرمن ماكر العز مجناه

وله ماكر(ن) بالعلى حجا راس مرقاب&& بقمة قرا قاره قهر عسر مرقاه

زبون المخيف ولو له الفين طلاب&&من خوف يآمن كل من لاذ بحماه

اسد عاب ينهاب بحضوره ولو غاب&& لو اثناء غيابه لازم تهابه اعداه

شجاع(ن) كريم(ن) للجمالات كساب&&بحق وحقيقه كاملات(ن) مزاياه

راع المجلس الي مابعد صك له باب& على ساق مفتوح(ن) يرحب بمن جاه

يردونه الخطار من كل الاقطاب&&على دوم هشال الضحى ماتعداه

وهو ينطح الضيف المسير بترحاب&& بشوش بوجه الضيف ويدور ارضاه

ولاهو يحسب للخسارات بحساب&&عن الرابعه والخرص ماتقصر اخطاه

ويضرب على الكايد ولاهوب هياب&&بعسر ويسر تفعل الطيب يمناه

ولما نصوه اوجيه عكفان الاشناب&&لهم لازم(ن) يقضيه لو يصعب اقضاه

ودايم صدوق(ن) مابعد قيل كذاب&ريح فصيح صاحي(ن) صلب في ارياه

وبالطيب يذكر عند ربعه والاجناب&& وبالذكر ترفع هامة الراس طرياه

وروزه ثقيل وان بدا لازمه ثاب&& وعاقل دليل(ن) مستقيم(ن) بممشاه

فطين رزين راكد احرص من الداب&& حلو مر زين شين ماراد سواه

وراس ومن روس على ساس لا طاب&&فلا هو غريب طيب مثله وشرواه

ومن روس يام الي نحسب الهم احساب&&جميع الغرب غصب بليا مراعاه

ونعم(ن) بهم لو هم عدا جد واجناب&& بعيدين الاشباح السباع المضراه

ليا نشفت الارياق ثم كلح الناب && فيا سعد من صبيان يـــــــام دنياه

سلام(ن) عليهم حاضرين وغياب&&واخص ابو سلطان بقولي ومعناه

صديق(ن) مصافيني ومهما اطلبه جاب&&بطيبه ينافس طيب الراس مجناه

تحدا بالفعل الطيب من كل الابواب&&وانا على حسب قدر المستطاع اتحداه

وانا خابر انه حين يرمي الهدف صاب&&لكن الوعد قدام يلقا وانا القاه

وبعون الولي خلاقنا رب الارباب& عسى الله يساعدني على الطيب واجزاه

وكل على طاريه والطيب جذاب&&ومن يفعل الحسنى يجازى بحسناه

ليا الله منعنا من مقادير الاسباب&&فكل يريد الفوز ولا المساواه

ورجل تمدح بالحكي وهو عقاب&& مصير الليال السود تفضح نواياه

ومن عانه المولى على الطيب ماخاب&& عسى الله يوفقنا بعونه وبرضاه

احب الوفا فان الوفا طبع الانجاب&& ولا خير في من قال قول ولا اوفاه



م ن ق و ل