رداً علىى السفهااااء .!! قصيدة (آل عرجاااااا)

[صلاح العرجاني]

لن اطيل عليكم ..

القصيده واضحه من عنوانها ..

واعتقد انكم كلكم شفتوا "طاش ما طاش" ..

كنت افترض حسن النيّه ..

لكن ..

كثر الحديث .. وكثروا السفهاء ..

فخرجت هذه القصيده ..

واعتذر على قصر القصيده ..

يا قاف .. يا طاروق .. يا أغلا المثايل=فزوا لشاعركم .. وصبوا دلاله
هايــض وبكتب في جميع الوسايل=وانا لمني هضت .. جبت الجزاله
يا جاهلٍ تاريخ روس القبايل=اخذ الحكي منّي وهاك المقاله
حنّا الجبال النايفات الطوايل=والطيب حنّا يالردي راس ماله
وان قيل ولا كثّروا فالقوايل=حن ال عرجا .. يا جموع الحثاله
ماهيب "حلقه" من "مسلسل" رذايل=ولا هيب "مشهد" من فصول الخباله
تاريخ يكرم عن ضعيف الفعايل=تاريخ والتاريخ .. يعرف رجاله
حن ال عرجا .. وانشدوا كل عايل=تشهد لنا نجران .. في كل حاله
لا من تعصّبنا .. وسقنا الرحايل=عزّي لمن حنّا وقفنا قبالـــــــــــه
والصلب تشهد في نهار الهوايل=كم شيخ وطيناه ماطى نعالـــــ (.....)
فينا الصبي شيّال حمل الثقايل=ما يشتكي من ضعف ولا جهاله
ما فيه منّا شخص هافي .. ومايل=الكل منّا وافياتٍ خصالــــــــــه
هذا اسمنا يا هيه والشك زايل=نفخر بـ "عرجا" ونفتخر حيل .. بـ "آآآله"
من نسل يام اهل الكرم والجمايل=رمز الشجاعه والوفا والجماله
((جنٍ على المسرجّات الأصايل=وشيوخ في مجالس اهل الشكاله))
ما كنت ناوي ابتدي ذالمثايل=الين حدوني جمووع الخباله
ولا ان بغيت الصدق .. حنا قبايل=ياميّة ما نلتفت للحثاله

وسلامتكم .. واعتذر على حديّة اللهجه ..!!