(( كـل شـارب لـه مـقـص)) لـلـشـاعـر حـمـد بـن سـعـد الـمـسـرع

[ابوجراح]

مـن روائـع حـمـد بـن سـعـد الـمـسـرع انـقـل الـيـكـم هـذه الـرائـعـه بـهـذه الـقـافـيـه الـتـي لايـجـيـدها

سوا الـمـبـدعـون امـثـالـه




ابتدا التفكير والهم والهاجس رقص
0 رقصتن يغري بها الفكر في وسط الذهول

حابسن نفسي عن الناس كني في قفص
0 دارت الايام فيني ودارت بي الفصول

كل ماقلت ان حزني غدا والا نقص
0 اكتشفت انه تزايد ولا عندي حلول

عزتي لي راح عمري وهمي ما خلص
0 كل ماقلت انتهينا واثر عاده يطول

ياحسافه دام قدري مع الغالي رخص
0 اثر له في بيع ذا الناس غايات وميول

واثرني من جيز ذا الخلق والحب اختبص
0 وضعنا واحد بعينه واخذنا بالشمول

ماعرف قدري وطبعي وفيني ما بخص
0 والخطا منه وخله يقول اللي يقول

الرجال بفعلها وكل شارب له مقص
0 والجمال جمال وتشيل من ثقل الحمول

ماندمت الا على الوقت والدنيا فرص
0 لاني برجلي ولا نيب في ظهر الذ لول

والقدر مكتوب للعبد لو انه حرص
0 لو يفر يسار ويمين مايقدر يحول

والفطين اللي لساعات وقته اقتنص
0 لا يضيع كل وقته على عشقن يزول

عقب مادلوي من ايدي تهاوى وانملص
0 والله ان ابطي وقلبي من الخاين جفول

والبنادم دامه اصلا ً تأذى وانقرص
0 لا يكرر غلطته لا ولا يصبح عجول

سيرة العشاق صارت روايات وقصص
0 يوم كان الحب غارات ورماح وخيول

والمحبه صارت اليوم بدروس وحصص
0 كثر ماتدفع تزيد المحبه والقبول

ولو زهمت الحظ يبطي وعاده ماقحص
0 لين تذبل كل ورده ربت وسط السهول