|
يقول من عداه علـى راس عالـي رجم طويل يذهلـه كـل قرنـاس ...!!
مساء الخير
اليوم اخترت لكم قصيده مغنااه للشاعرالمرحوم محمد السديري وغناها فنان العرب محمد عبده وهي من احب القصايد لدي
واتمنى ان تنال ع اعجابكم ..
يقول من عداه علـى راس عالـي .. رجم طويل يذهلـه كـل قرنـاس
في راس مرجوم عسيـر المنالـي .. تلعب به الارياح مع كـل نسنـاس
في مهمه كفر من النـاس خالـي .. اشتاقله من حس بالقلب هوجـاس
قعدت في في راسه وحيد لحالـي .. راس الطويل بلابقه تقل حـراس
متذكر في مرقبي ويـش جرالـي .. وصفقت بالكفين ياس علـى يـاس
اخـذت اعـد ايامهـا والليـالـي .. دنيا تقلب ما عرفنـا لهـا قيـاس
كم فرقت مابيـن غالـي وغالـي .. لو شفت منها ربح ترجع للافـلاس
المستريح اللي من العقـل خالـي .. ماهو بلجات الهواجـس بغطـاس
ماهـو بمثلـي مشكلاتـه قلالـي .. ازريت اسجلهن بحبـر وقرطـاس
حملـي ثقيـل وشايلـه باحتمالـي .. واصبر على مر الليالي والاتعـاس
وارسي كما ترسي رواس الجبالي .. ولا يشتكي ضلع عليه القـدم داس
لاخاب ظنـي بالرفيـق الموالـي .. ماني مشاريه علـى نايـد النـاس
يعل قصـر مايجـي لـه ظلالـي .. ينهد مـن عالـي مبانيـه للسـاس
لاصـار هـو مدهـل للرجالـي .. وملجا لمن هو يشتكي الظيم والباس
حسناك يا ممشي حقـوق الخيالـي .. ياخالق اجناس ويا مفنـي اجنـاس
واليوم في تالـي هدامـه تلالـي .. جزاك يا قصر الخنا وكر الادناس
__________________
يلي تشـوف النك لاتروغ عينك .. الزين مفتاحه ترى في يدينـي
خشفن لك الله حطها في يمينك .. طبعي رقيق وكل هرجي رزيني
..
الألقاب ترفع بنت أبو فلان وفلان @/@ لكن ماترفع بنات الحميه
ماهي غريبه علينا فوز العجمان = جدانهم من قديم الوقت جلابه
مبروكين
|