السلام عليكم ورحمة الله وبركاتة
الهوى نسناس والليل ابتدى والشعـر دوبـه=يا قصيدي لا يروعك الزمن والليـل سـاري
وإن مدحت أمدح رجل ذكره إيلا منهم حكوا به=ثارت البندق وسال الدم من روس الشبـاري
يا عرب نجران صيحوا من شماله ليجنوبـه=ومن علوه لين حدريه وانـا مثنـي قـراري
ووصلوا للمكرمي سلام فيـه مـن العذوبـه=ما يداوي علـة المرضـان ويـرد اعتبـاري
هيبته تذكر ووقفاته مـع النـاس محسوبـه=يا شذى العود المعتق يا خوي البن الهـراري
ما نسينا يوم جدك ناصـر عجيـم بحروبـه=تدري العجمان وابن الذيب يا العجمـان داري
يكفي ان يمناك في فالصكات ما هي بمعطوبه=وشاربك ما يدسم الا من ظهر ذيب المسـاري
انت جدك مرجع الديـره ولا خيـب شعوبـه=لك مثل ما له فعول وفيك من جـدك مـواري
احتزم باسـم الديانـه والعقيـده والعروبـه=وانت تدري كل غمر من ضنى يام انتحـاري
والقصيده في حسين ابن اسماعيل العجوبـه=تجبر الشاعر يطوح غترته والضغـط نـاري
جل همه كيف تفهـم كـل ذا العالـم سلوبـه=ما طمع في مال بنك الراجحـي ولا التجـاري
كل دعوه من ثمه تستحضر الغيـم وهبوبـه=وكل سجده منه ترسل لي من الايمان طـاري
من طهارة قلبه تشوف النظافه وسـط ثوبـه=أي نعم ذا رأيي الشخصي ولا اريد استشـاري
في جبينك هيبة الأقصى وعشرين الف توبـه=وفي كيانك هيبة اليامي وعـزي وانتصـاري
أنت كنك بارد النسناس فـي عـز الرطوبـه=تبتسـم وتنـدي الازهـار وتهـب الـذواري
كلما مريت قصرك قمت الـد العيـن صوبـه=كنك النصر المبين بمعركـة ذات الصـواري
في ظلال الدوله اللي عزهـا عـز العروبـه=يحفظ الله الملك والشيخ والصرح الحضـاري
الشاعر/ محمد بن راشد بن الذيب
14-12-2006, 06:25 PM
العرض الشجري