السلام عليكم
هذي رائعه للشاعر الرائع
سلطان بن وسام الهاجري
اضعها بين ايديكم واتمنى تنال اعجابكم
رؤيا منامي ذكرتني بلاماك=وفزيت اقدم للبشير البشاره
هل تعلم اني واحد(ن) من ضحاياك=قتيل حرب مثل حرب الحجاره
ليتك مصوبني برمحك وشلفاك=الموت من يمناك ماهو خساره
لكن ذابحني بهجرك وفرقاك=مدري متى تسمح لنا بالزياره
شربت سحر البابلي من شفاياك=شراب خرمان(ن) شرب له زقاره
يوم اني ازيح الشعر عن محيّاك=وأيد(ن) يمين الجيد ويد(ن) يساره
وان طاحت الدمعه على كف يمناك=حرارة الدمعه تداعب حراره
يامن خلقك الله بحسنه وسواك=اشوف فيك من العباره عباره
واحلف واقدّم لك رهن واتحداك=مالك شبيه الا ظبي الزباره
والأشقر اللي كل ماقمت غطّاك=شقار بشت فداوي(ن) في الاماره
وأليا نطحت الريح ولا تقفّاك=شبح .. شبح صدام بدي وغماره
ماقد سافر فيه هذا ولا ذاك=شبح وزير عند باب الوزاره
وسلامتكم
العرض الشجري